«Այսօրվա ռեսուրսներն այնպիսին չեն, որ կարելի լինի լայնածավալ ներդրումներ կանչել, լայնածավալ ներդրումներ կանչելու համար պետք է ցույց տաս երկրում առկա կարողությունները՝ ինչ գիտելիքների տեր մարդիկ կան, ինչ գիտեն և ինչ մակարդակով կարող են գիտելիքները կիրառել: Ստանդարտները պետք է համապատասխանեն միջազգային չափանիշներին»,- այս մասին «Առաջին լրատվական»- ի հետ զրույցում նշեց ՌԱԱԿ-ի տօրեն Ռուբեն Թոփչյանը, անդրադառնալով դիտարկմանը, որ մի քանի տարի առաջ խոսվում էր գիտելիքահենք տնտեսություն ունենալու անհրաժեշտության մասին, իսկ այժմ հակված ենք ներդրումային տնտեսություն ունենալու:
Ռուբեն Թոփչյանի դիտարկմամբ՝ մեր կրթական համակարգը խնդիրներ ունի լուծելու՝ պետք է լինի ավելի դինամիկ և կարողանա կողմնորոշվել շուկայի ազդակներին համապատասխան:
ՌԱԱԿ-ի տօրենի կարծիքով՝ ներդրումները պետք է սկսել որոշ ուղղություններից: Նրա խոսքով՝ պետք է ընդլայնել այն ուղղությունները, որտեղ արդեն հաջողություն է գրանցվել: Ռ. Թոփչյանի կարծիքով՝ առաջին հերթին ներդրումային ծրագրեր կարելի է իրականացնել գյուղատնտեսության ոլորտում, օրինակ՝ ջերմոցային տնտեսության համար անհրաժեշտ մասնագետներ պատրաստելու համար, նաև ՏՏ ոլորտում, որտեղ նույնպես մասնագետների պահանջարկ կա:
Մանրամասները՝ տեսանյութում: