Սկարլետ Յոհանսոնի բաժանության մասին հայտարարելուց մեկ ամսից պակաս ժամանակ է անցել, իսկ 32-ամյա դերասանուհին արդեն հանրության առաջ երևում է ուրիշ տղամարդու հետ: Նա 47-ամյա գրող և ռեժիսոր Նոա Բաումբախն է: Զույգին վերջին անգամ տեսել են երեքշաբթի Նյու-Յորքում ճաշից հետո, հայտնում է newsyou.info-ն:
Բաումբախը 2005-2013 թթ. ամուսնացած է եղել Ջենիֆեր Ջեյսոն Լիի հետ, ումից վերջերս է բաժանվել: Սակայն շշուկներ են շրջանառվում, որ նա հիմա հանդիպում է դերասանուհի Գրետա Գերվիգի հետ: Այնպես որ, հնարավոր է, որ նրա հանդիպումը Յոհանսոնի հետ ընկերական կամ աշխատանքային է եղել:
Յոհանսոնի սիրավեպը երկրորդ ամուսնու՝ լրագրող Ռոմեն Դորիակի հետ սկսվել էր 2012 թ., իսկ հարսանիքը տեղի է ունեցել 2014 թ., նրանց աղջկա՝ Ռոուզ Դորոթիի ծնունդից որոշ ժամանակ անց:
