Ապրիլի 2-ին վճռվելու է մեր երկրի ապագան՝ հաջորդ տասնամյակների համար»,- «Օհանյան-Րաֆֆի-Օսկանյան» դաշինքի համաժողովում իր ելույթն այսպես սկսեց «Համախմբում» կուսակցության նախագահ Վարդան Օսկանյանը և ընդգծեց, որ իշխանափոխության հրամայականն այսօր Հայաստանում օդում է։
«Կարծում եմ՝ բոլոր հայտ ներկայացրած կուսակցություններից ճիշտ ընտրություն կատարելու համար մեր հասարակությունը պետք է առաջնորդվի երեք չափանիշներով։ Առաջին՝ այդ դաշինքների, կուսակցությունների ղեկավարների նվիրումով, անկեղծությամբ, ազնվությամբ, երկրորդ՝ հարցեր, խնդիրներ լուծելու նրանց կարողությամբ, երրորդ՝ նրանց ծրագրերի այժմեականությամբ, տեսլականի ամբողջությամբ»,- նշեց Վ. Օսկանյանը՝ հավելելով, որ իրենց դաշինքն ամբողջությամբ բավարարում է այս երեք չափանիշներին:
«Երկրաշարժից, անկախությունից հետո ես և Րաֆֆի Հովհաննիսյանը մեր հանգիստ կյանքը լքելով Միացյալ նահանգներում, եկանք մասնակից դառնալու մեր պետականության շինարարությանը։ Սեյրան Օհանյանն իր գիտակցական կյանքի ողջ մասը նվիրել է Արցախի ազատությանն ու հայրենիքի պաշտապանությանը։ Սա է մեր նվիրումը։
Ես երկու տասնամյակ եղել եմ իշխանության մեջ, որպես անհատ, իհարկե ես իմ թերություններն ունեմ, բայց երկու հարցում ես ինձ անթերի եմ համարում՝ նվիրում հայրենիքին և ազնիվ աշխատանք պետական համակարգում։ Երբ ավարտել եմ իմ պաշտոնավարությունը, ինձ առաջարկվել են բարձարգույն պաշտոններ, ես նախընտրել եմ դուրս մնալ իշխանությունից… Իմ երկու գործընկերները՝ Օհանյանը և Հովհաննսիյանը տարբեր ժամանակներում և տարբեր ձևերով արել են նույնը։ Մենք երեքով ժողովրդավարներ ենք մեր էությամբ և ազատության արժեքների կրողներն ենք»,- ընդգծեց Վ. Օսկանյանը:
Մանրամասները՝ տեսանյութում:
