«Մենք ստեղծեցինք, մի դաշինք, որ Հայաստանում եզակի է, նույնիսկ աշխարհում է եզակի։ Դաշինքում երեք փորձառու պետական գործիչներ, միավորելով իրենց ջանքերը, գիտելիքները, եռանդը, կամքը, պետք է հնարավորություն ընձեռեն մեր քաղաքացիներին՝ ունենալու մի այնպիսի իշխանություն, որը Հայաստանը դուրս կբերի այս ծանր, ճգնաժամանյին վիճակից»,- այսօր «Օհանյան-Րաֆֆի-Օսկանյան» դաշինքի համաժողովի բացման ժամանակ հայտրարարեց «Ժառանգություն» կուսակցության փոխնախագահ Արմեն Մարտիրոսյանը, որը նույն դաշինքի 2-րդ տեղում է՝ պաշտպանության նախկին նախարար Սեյրան Օհանյանից հետո։
Նրա խոսքով՝ Հայաստանում մարտահրավերները հասել են սպառնալիքի աստիճանի. «Եվ պատասխանատվության այն բարձր զգացումը, որն առաջնորդեց Օսկանյանին, Օհանյանին ու Հովհաննիսյանին միայն ողջունել կարելի է, քանի որ նրանց անցած կայացած ուղին, երկար տարների ծառայությունը պետությանը, միանշանակ պետք է համոզի մի բանում, որ այս դաշինքն այն դաշինքն է, որը ոչ միայն ցանկանում է, ոչ միայն կարող է, այլ ունի ամենաառաջին անհրաժեշտ պայմանը՝ կամքը, առանց կամքի ու առանց նպատակասլացության հաջողություն չի կարող ունենալ որևէ գործ»։
Մանրամասները՝ տեսանյութում: