Նյու Յորք նահանգի Լոկփորթ քաղաքի բնակիչը դատապարտվել է 2 տարվա ազատազրկման այն բանի համար, որ մտադրություն է հայտնել սպանելու ԱՄՆ նախագահ Դոնալդ Թրամփին։ Այս մասին հայտնել է Նիագարայի շրջանային դատախազության ներկայացուցիչը՝ փոխանցում է TASS գործակալությունը։
Նշվում է, որ 20-ամյա Ջարեդ Բրաունը 2016 թվականի դեկտեմբերին զանգահարել էր Լոկփորթի ոստիկանական վարչություն՝ խոստովանելով, որ մտադիր է սպանել Թրամփին։
Հաղորդում է նաև, որ Բրաունը 2015 թվականին դատապատվել էր ոստիկանություն կատարած զանգի համար, որի ժամանակ հայտնել էր Բարաք Օբամային սպանելու պլանների մասին։ Երիտասարդը բանտում անցկացրել է 15 ամիս, որից հետո պայմանական ազատ արձակվել։
Թրամփի հասցեին սպառնալից զանգից հետո Բրաունը նույն օրը ձերբակալվել էր։
«Բրաունը խախտել է իր պայմանական վաղաժամ ազատ արձակման պայմանը»,-ասվում է հաղորդագրությունում։