Ուելսի արքայազն Չարլզը աջակցել է Մեծ Բրիտանիայի կառավարության մոխրագույն սկյուռների ամլացման ծրագրին, որոնք նշանակալի վնաս են հասցնում Թագավորության անտառային տնտեսությանը: Այդ մասին հայտնում է բրիտանական Times պարբերականը:
Ինչպես պարզաբանել է հոդվածի հեղինակը, արքայազնը հանդիսանում է շրջակա միջավայրի համոզված պաշտպան, և աջակցում է այդ գաղափարին, քանի որ այն նախըտրելի է կենդանիներին ոչնչացնելուց: Սկյուռների համար հատուկ մշակված հակաբեղմնավորիչը կավելացնեն շոկոլադի մեջ, որի նկատմամբ կրծողները չեն կարող անտարբեր մնալ:
Գիտնականները կարծում են, որ այդ մեթոդը թույլ կտա սկյուռների քանակը մի քանի տարում կրճատել 90 տոկոսով: Ծրագրի արժեքը գնահատվում է միլիոն ֆունտ ստերլինգ: