Երևանի քաղաքապետ Տարոն Մարգարյանը, այսօր լրագրողների հետ զրույցում անդրադառնալով տեղեկություններին, որ վարչական շրջանների ղեկավարներն ու համայնքապետերը իրենց լծակներն օգտագործում են քարոզչական նպատակներով, իրենց աշխատակիցներին հանձնարարում են ցուցակներ բերելու, որոնք պետք է քվեարկեն ՀՀԿ-ի օգտին, նշեց. «Թաղապետերը կուսակցականներ են, երբ կսկսվի քարոզարշավը և իրենք ցանկություն կունենան ակտիվ քարոզչությանը մասնակցել, մենք օրենքով սահմանված կարգով դա կապահովենք»:
Անդրադառնալով մամուլի հրապարակումներին, որոնց համաձայն՝Երևանի թիվ 38 մանկապարտեզի տնօրեն Սեդա Հակոբյանը հրահանգում է իր ենթակայությամբ աշխատող մարդկանց, որպեսզի վերջիններս մարզերում բնակվող իրենց հարազատներին վերագրանցեն թիվ 2 ընտրատարածքում, որտեղ առաջադրված է իր ամուսինը՝ Արման Սահակյանը, քաղաքապետը նշեց. «Պետք է հասկանանք՝ աշխատանքի ժամի՞ն է տեղի ունեցել, թե՞ հետո»:
Հարցին, թե մայիսի 14-ին կայանալիք Երևանի քաղաքապետի ընտրություններին ինքը թեկնածու լինելո՞ւ է, Տարոն Մարգարյանը պատասխանեց. «Կուսակցություն կորոշի»:
Մանրամասները՝ տեսանյութում:
