Հարավային Կորեայի խորհրդարանականները խնդրում են ամերիկյան կոնգրեսին ներառել Հյուսիսային Կորեան «ահաբեկչական պետությունների» ցուցակում՝ մեղադրելով Փխենյանին Մալայզիայում մի մարդու սպանության մեջ, ում անվանում են հյուսիսկորեացի առաջնորդի եղբայրը։ Այս մասին հայտնում է «Ռենհապ» գործակալությունը։
Նրա տվյալներով՝ Հարավային Կորեայի Ազգային ժողովի պաշտպանության հարցերով կոմիտեի նախագահ Կիմ Յոն Ուն նման խնդրանքով նամակ է հասցեագրել ԱՄՆ զինված ուժերի հարցերով սենատի կոմիտեի ղեկավար Ջոն Մաքքեյնին։
Կիմ Յոն Ուի փոխանցմամբ՝ խոսքը Հյուսիսային Կորեայի իշխանությունների ղեկավարության ներքո կատարված ահաբեկչության մասին է։
