Ավստրիայի առողջապահության նախարար Սաբինա Օբերհաուզերը մահացել է քաղցկեղի դեմ շարունակական պայքարից հետո: Այդ մասին տեղեկացրել է ավստրիական Der Standard-ը:
Այն մասին, որ հիվանդ է քաղցկեղով 53-ամյա քաղաքական գործիչը իմացել է 2015թ. փետրվարին: Այնուամենայնիվ Օբերհաուզերը չի թաքցրել հասարակությունից հիվանդության փաստը, սկզբում գրելով այդ մասին իր ֆեյսբուքյան էջում, այնուհետև դուրս գալով պաշտոնական միջոցառման սափրված գլխով:
Ինչպես հայտնում է թերթը՝ երկրի նախագահ Ալեքսանդր Վան դեր Բելենը հայտարարել է, որ շատ է ցավում այն բանի համար, որ Օբերհաուզերը «պարտվել է քաղցկեղի դեմ պայքարում»: Նա ավելացրել է, որ իրենք կզգան այն բացը, որը լրացնում էր նախարարը իր աշխուժությամբ, բանիմացությամբ և նվիրվածությամբ:
Օբերհաուզերը ղեկավարում էր նախարարությունը 2014 թվականից: