«Ղարաբաղյան պատերազմի օրերին, ապրիլյան արկածախնդրության օրերին բժիշկներն ապացուցեցին, որ ազգ-բանակ գաղափարախոսության ուղիղ կրողներն են: Այդ օրերին պետք է առանձնահատուկ նշել մեր բժիշկների սխրանքը, որովհետև կրկնակի բեռ կրող մարդ է բժիշկը մարտի դաշտում՝ զենքը ձեռքին կատարում է իր բարոյական պարտքը»,- այսօր՝ փետրվարի 23-ին, Մ. Հերացու անվան պետական բժշկական համալսարանի պրոֆեսորադասախոսական կազմի, ուսանողների և Ռազմաբժշկական ֆակուլտետի կուրսանտների հետ հանդիպման ասաց պաշտպանության նախարար Վիգեն Սարգսյանը:
Նախարարը նաև նշեց, որ ապրիլյան պատերազմը ցույց տվեց, որ հայ ազգը համախմբված է և դժվար պահերին պատրաստ է պաշտպանել հայրենիքը. «Ապրիլին ինչպես այստեղ նստած տղաները հանձնեցին իրենց քննությունը, այդպես էլ մեր պետությունը, մեր կառավարությունը հանձնեց շատ ծանր քննություն, այն է՝ համախմբումն ու անվերապահ մղումը, որին մենք ականատես եղանք: Եթե նորից նման փորձությունի լինի, մեկը չկա, որ կասկածի, որ համախմբված կպաշտպանենք հայրենիքը»:
Մանրամասները՝ տեսանյութում: