Պաշտպանության նախարար Վիգեն Սարգսյանն այսօր կառավարության նիստում անդրադարձավ զինծառայողներին ծխախոտ չտրամադրելու մասին նախագծին, որը երեկվանից բուռն քննարկվում էր մամուլում և համացանցում: Նա հստակեցրեց. «Խոսքը վերաբերում է ոչ թե ժամկետային, այլ պայմանագրային զինծառայողներին, որովհետև ժամկետային զինծառայողները ծխախոտ չեն ստացել այսպես, թե այնպես։
Պայմանագրային զինծառայողներին հաշվարկվել է օրական մեկ տուփ ծխախոտ՝ մարտական դիրքերում գտնվելու ընթացքում, որը մեր գնահատմամբ չի տեղավորվել և՛ մեր ընդհանուր քաղաքականության, և՛ տրամաբանության մեջ, որովհետեւ նույն տիպի ծխախոտ, անկախ նրանից, թե մարդը ծխող է թե ոչ, և անկախ նրանից, թե ինքն առհասարակ ինչ է ծխում, մենք առաջարկեցինք այդ նույն գումարը, որը տրամադրվել է ծխախոտ ձեռքբերելու համար ավելացնել նրանց կողմից ավելացվող հավելավճարի մեջ, որպեսզի նրանք, ովքեր չեն ծխում՝ չխրախուսվեն ծխելու հարցում, իսկ ովքեր ծխում են, ծխեն իրենց նախընտրած ծխախոտը»:
Վիգեն Սարգսյանը անդրադառնալով այս հարցի շուրջ ծավալված քննարկումներին, նշեց. «Երեկ շատ հետաքրքիր էր հետեւել, թե ինչպես այս թեման դարձավ զինվորից ծխախոտ խլելու կամ այդ գումարն այլ նպատակներին ուղղելու և այլ թեմա: Իհարկե, այսպիսի բան գոյություն չունի»:
Մանրամասները՝ տեսանյութում: