Վրացի ռազմական օդաչուն գերեվարվել է Կոնգոյի Դեմոկրատական հանրապետության ապստամբների կողմից, որոնք նրա համար պահանջում են 1 միլիոն ԱՄՆ դոլար: Այս մասին հայտարարել է պաշտոնաթող փոխգնդապետ Դավիդ Մակիշվիլին:
«Վրաստանի կառավարություն, օգնե՛ք օդաչուչու Սոսո Օսիուրաուլիին, որին գերի են վերցրել Կոնգոյում այն բանից հետո, երբ խփել են նրա ինքնաթիռը: Ապահովե՛ք նրա անվտանգությունը և վերադարձը հայրենիք»,-գրել է Մակիշվիլին սոցցանցում:
«Ռուսթավի 2» հեռուստաալիքի եթերում նա հավելել է, որ օդաչուն Կոնգո է մեկնել ավելի քան 2 տարի առաջ: Հեռուստաալիքի տվյալներով՝ Վրաստանի պաշտպանության նախարարությունը, ԱԳՆ-ն որևէ տեղեկատվություն չունեն տեղի ունեցածի վերաբերյալ:
