Ամերիկյան Heritage Foundation հիմնադրամը հրապարակել է 2017թ. տնտեսական ազատության ցուցանիշը, ազատ տնտեսություն ունեցող 186 երկրների շարքում Հայաստանն իր ցուցիչով զբաղեցրել է 33-րդ տեղը:
«Ազատ տնտեսության ցուցիչը ցույց է տալիս պետության միջամտելու աստիճանը, որքան շատ է պետությունը միջամտում, այդքան տնտեսությունը համարվում է ոչ ազատ: Եթե տնտեսական ազատության աստիճանը բարձր է, դա նշանակում է, որ պետությունը առավելագույնս հանգիստ է թողնում տնտեսությունը, չի միջամտում հարկերի, կարգավորումների, պետական ծախսումների և այլնի տեսքով»,- «Առաջին լրատվական»- ի հետ զրույցում այս մասին ասաց տնտեսական մեկնաբան Բաբկեն Թունյանը:
Նրա խոսքով՝ ասել, որ տնտեսության ազատությունը բարձր է, ուրեմն տնտեսությունը լավ վիճակում է, ճիշտ չէ. «Կան երկրներ, որտեղ տնտեսական ազատության ցուցիչը ավելի ցածր է, քան մերը, օրինակ՝ Ճապոնիան, Իսրայելը, Չինաստանը և այլն, սակայն նրանց տնտեսությունը թե՛ որակով, թե՛ մասշտաբներով չի կարելի համեմատել մեր տնտեսության հետ»:
Բ. Թունյանի դիտարկմամբ՝ ներդնողները հաշվի են առնում այս և նման զեկույցները, սակայն հալած յուղի տեղ չեն ընդունում և առանձին ուսումնասիրություններ էլ են կատարում:
Տնտեսական մեկնաբանն անդրադարձավ նաև Հայաստանում մենաշնորհների առկայությանը և դրանց դեմ պայքարի խնդրին:
Մանրամասները՝ տեսանյութում:
