ՌԴ ԱԳ նախարար Սերգեյ Լավրովը Հայաստանի արտգործնախարար Էդվարդ Նալբանդյանին պարգևատրել է Բարեկամության շքանշանով:
Ինչպես հաղորդում է Regnum գործակալությունը, Նալբանդյանն իր հերթին ՀՀ ԱԳՆ մեդալներ է շնորհել ՌԴ ԱԳՆ-ի մի շարք աշխատակիցների:
Առաջին աստիճանի պատվո մեդալ է շնորհվել ՌԴ ԱԳՆ ղեկավարի տեղակալ Վասիլի Նեբենզյային, երկրորդ աստիճանի պատվո մեդալով պարգևատրվել են ՌԴ ԱԳՆ ԱՊՀ երկրների առաջին վարչության տնօրեն Միխայիլ Եվդոկիմովը, ՌԴ ԱԳՆ հյուպատոսական վարչության պետ Եվգենի Իվանովը, ՌԴ ԱԳՆ պաշտոնական ներկայացուցիչ Մարիա Զախարովան, ՌԴ ԱԳՆ ԱՊՀ երկրների չորրորդ վարչության տնօրեն Ալեքսեյ Պավլովսկին:
«Ցանկանում եմ ևս մեկ անգամ շնորհավորել Էդվարդ Աղվանովիչին Ռուսաստանի Դաշնության պետական պարգև ստանալու կապակցությամբ և իմ գործընկերների անունից շնորհակալություն հայտնել այն գնահատականի համար, որոնք հնչեցիմ իմ աշխատակիցների, դեպարտամենտների ղեկավարների, փոխնախարարների հասցեին»,-նշել է Լավրովը:
