Արդեն պարզ է, թե որ կուսակցություններն ու դաշինքներն են մասնակցելու ընտրություններին, ի՞նչ հնարավորություններ ունեն իրենց ըդդիմադիր հռչակած քաղաքական ուժերը. «Առաջին լրատվական»- ի հետ զրույցում անդրաառնալով այս և ներքաղաքական կյանքին վերաբերող մի շարք այլ հարցերի՝ քաղաքագետ Արմեն Աղայանը ներկայացրեց իր դիտարկումները:
«Խոշոր հաշվով Սերժ Սարգսյանին հաջողվել է ստեղծել մի իրավիճակ՝ ընտրությունների հետ կապված, երբ քաղաքական ուժ երևույթն ինքնին կարծես անկարևոր է դարձել: Անհասկանալի է և լղոզված է դարձել նաև ընդդիմությունը, եթե նախկինում ունեինք ընդդիմության մի կերպար, դրանք նախկին իշխանավորներ էին, որոնք փորձում էին միավորվել ընդդեմ գործող իշխանության՝ իշխանափոխություն անելու գերնպատակով, այլ ոչ թե ինչ-որ գաղափարական պլատֆորմով, այսօր բավական խայտաբղետ վիճակ է հենց կուսակցությունների ցանկի առումով, և դրան ավելացավ ռեյտինգային կոչված ընտրությունը, որը փաստորեն գովերգված համամասնական ընտրակարգը վերածել է 100 տոկոսանոց մեծամասնականի՝ դրա ամենախայտառակ դրսևորումներով:
Այս պայմաններում խոսել ընդդիմության շանսերի մասին, բավական դժար է: Ամենախոսուն փաստն այն է, որ ընդդմադիր տարբեր ուժեր ստիպված փորձեցին ինչ-որ դաշինքների մեջ մտնել՝ հավանաբար անցողիկ շեմը հաղթահարելու համար: Կարծում եմ՝ դա այսպես թե այնպես իրենց կհաջողվի, բայց հիմա այնքնան բան է փոխվել, որ հստակ կանխատեում անելը դժվար է»,- նշեց քաղաքագետը:
Անդրադառնալով քաղաքական դաշտի վերաձևավորումներին, դաշինքների ձևավորմանը, Ա. Աղայանը կարծիք հայտնեց, որ «Հայազն»-ից «Ծառուկյան» դաշինքում հայտնվելը դավաճանություն է, և որոշ մարդիկ ընտրեցին այդ ուղին:
Մանրամասները՝ տեսանյութում: