Արդեն պատրաստ են բոլոր դաշինքների և կուսակցությունների համամասնական ցուցակները: «Ցուցակների առաջին տեղերը քաղաքական են, բայց սկսած 10-րդից՝ ավելի շատ այլ գործունեությամբ հայտնի մարդիկ են, քան քաղաքական գործիչները: Ցավոք սրտի, մենք սպանեցինք քաղաքական դիսկուրսի հնարավորությունը»,- «Առաջին լրատվական»-ի հետ զրույցում այս մասին ասաց «Ժառանգություն» խմբակցության պատգամավոր Թևան Պողոսյանը՝ հավելելով, որ միայն «Ելք»-ի և «Ազատ դեմոկրատներ»-ի ցուցակներն են քաղաքական, որոնցում ներգրաված են նաև երիտասարդներ: Նրա խոսքով՝ ընտրության հիմքում անհատներն են լինելու, տվյալ տարածքում նրանց հայտնի լինելը, ադմինիստրատիվ ռեսուրսը, ֆինանսական հնարավորությունները:
Անդրադառնալով դիտարկմանը, որ օրերս մամուլի ասուլիսի ժամանակ պաշտպանության նախկին նախարար Սեյրան Օհանյանը, խոսելով ապրիլյան պատերազմից հետո պաշտպանության ոլորտի մի շարք պաշտոնյաների պաշտոնանկության մասին, նշել է, որ ինքը կողմ չի եղել նրանցից շատերի պաշտոնից հեռացնելուն, Թևան Պողոսյանը նշեց. «Մեկ-երկու անձանց հեռացնելը բավարար չէ, չէ՞ նրանք իրենք իրենց չեն գործել, չէ՞ որ կային որոշում մշակողներ, որոշում կայացնողներ: Մենք ավելի շատ համակարգային փոփոխությունների պահանջ պետք է դնեինք… Պետք է լինի ոչ թե պաշտոնանկությունների, այլ հրաժարականների շղթա»:
Մանրամասները՝ տեսանյութում:
