Խաղաղության խնդիրների հետազոտման Ստոկհոլմի միջազգային ինստիտուտը (SIPRI) հրապարակել է զենքի համաշխարհային վաճառքի մասին հերթական զեկույցը, ըստ որի 2012-2016թթ. Ադրբեջանը Հայաստանից 20 անգամ ավելի շատ սպառազինություն է գնել:
SIPRI-ի զեկույցում նաև նշված է, որ վերջին տարիներին Ադրբեջանը պատկանում է այն երկրների թվին, որոնք մշտապես սպառազինություն են ձեռք բերում Ռուսաստանից: Բաքուն տարեկան գնում է ՌԴ-ում արտադրված ռազմական տեխնիկայի շուրջ 4 տոկոսը:
Զեկույցի համաձայն՝ 2012-16 թթ. աշխարհում զենքի խոշորագույն արտահանողներ են մնացել ԱՄՆ-ը և Ռուսաստանը: Խոշոր մատակարարներին (ԱՄՆ, Ռուսաստան, Չինաստան, Ֆրանսիա, Գերմանիա) բաժին է հասել սպառազինությունների վաճառքի ընդհանուր ծավալի 74 տոկոսը, իսկ ԱՄՆ-ին և Ռուսաստանին միասին վերցրած՝ 56 տոկոսը։
