Մամուլում շրջանառվում է տեղեկություն այն մասին, որ Հայաստանի Կենտրոնական բանկը պատրաստվում է համալրել Հայաստանի ոսկու պահուստները։ Հայաստանը 2003 թվականին վաճառեց պահուստներում առկա 1.4 տոննա ոսկին, այդ ժամանակ մեկ ունցիայի գինը մոտ 400 դոլար էր, ներկայում՝ մոտ 1200 դոլար է: Այսինքն՝ ՀՀ-ն ոսկին այժմ 3 անգամ թանկ գնով է գնելու: «Առաջին լրատվական»- ի հետ զրույցում անդրադառնալով հարցին, թե որքանով դա արյունավետ կլնի, տնտեսագետ Ատոմ Մարգարյանը նշեց, որ պաշտոնական որոշում և հայտարարություն այդ ուղղությամբ չի եղել, բայց խնդիրը իսկապես առկա է ոչ միայն Հայաստանում այլ նաև աշխարհում։
Նրա խոսքով՝ ոսկու պաշարի ձևավորման գնալը բխում է աշխարհում անկայունության մեծացման, հնարավոր այն ռիսկերով, որ կարող է սկիզբ առնել գլոբալ տնտեսական համակարգում ԱՄՆ նոր նախագահի քաղաքականության հետևանքով և դրանով պայմանավորված նաև ֆեդերալ ռեզերվային համակարգի վարքագծով:
«Այս ընդլայնողական քաղաքականության համատեքստում մեր երկրի արտաքին պահուստների մակարդակը բավականին բարձր է՝ 2 միլիարդ 200 միլիոն դոլարին համարժեք է, այդ միջոցները կարող ենք վերածել մետաղական ոսկու:
Այս կարգի գործարքների հիմնական նպատակը ֆինանսական համակարգի կայունության, հուսալիության և տնտեսական համակարգի անվտանգության մակարդակի բարձրացումն է լինելու»,- նշեց տնտեսագետը՝ հավելելով, որ այս առումով երկարաժամկետ հատվածի համար ռիսկեր չի տեսնում:
Մանրամասները՝ տեսանյութում: