Բելգիայի վարչապետ Շառլ Միշելը Բրյուսելում հանդիպում է ունեցել ԱՄՆ փոխնախագահ Մայք Փենսի հետ և անվանել այն «կառուցողական»։ Այս մասին հայտնում է Le Soir-ը։
«ԵՄ-ի ջախջախման մասին հարց նույնիսկ չկա։ Այդ գաղափարը հասցվել է (ԱՄՆ նախագահին)»,-ասել է Միշելը Փենսի հետ զրույցի արդյունքներով մամլո ասուլիսում։ Այդպես է Բելգիայի վարչապետը մեկնաբանել ԱՄՆ նախագահ Դոնալդ Թրամփի արտահայտությունը, ով Brexit-ն անվանել էր «հրաշալի»։
«Մենք միմյանց ասել ենք բաներ, որոնք պետք է ասեինք»,-ասել է Միշելը։
Բելգիայի վարչապետի խոսքով՝ կողմերը կարծում են, որ ԱՄՆ-ի և Եվրոպայի հարաբերությունները պետք է մնան շատ ամուր և շատ արտոնյալ։
Ավելի վաղ Ֆրանսիայի արտգործնախարար Ժան-Մարկ Էյրոն նախազգուշացում էր արել ԱՄՆ-ին Եվրոպան մասնատելու փորձերի վերաբերյալ։
Այսօր Փենսը բանակցություններ կունենա Եվրախորհրդի և Եվրահանձնաժողովի ղեկավարներ Դոնալդ Տուսկի և Ժան-Կլոդ Յունկերի, ԵՄ դիվանագիտության ղեկավար Ֆեդերիկա Մոգերինիի և ՆԱՏՕ-ի գլխավոր քարտուղար Յենս Սթոլթենբերգի հետ։