Կոսովոյի ինքնահռչակ հանրապետությունը 2017 թվականին անդամակցության հայտեր կներկայացնի այնպիսի նշանակալի միջազգային կազմակերպություններ, ինչպիսիք են ՅՈւՆԵՍԿՕ-ն և Եվրոպայի խորհուրդը։ Այս մասին հայտնել է ՄԱԿ-ում չընդունված պետության նախագահ Հաշիմ Թաչին՝ փոխանցում է RIA Novosti-ն։
Ավելի վաղ Թաչին Մյունխենյան անվտանգության համաժողովի շրջանակում հանդիպել էր Ինտերպոլի գլխավոր քարտուղար Յուրգեն Շտոկի հետ։ Թաչին խնդրել էր նրան չեղարկել Սերբիայի կողմից տրված՝ կոսովացի ալբանացիների ձերբակալման հրամանները դրանց՝ «քաղաքական մոտիվացվածության» պատճառով։ Նա նաև հայտարարել էր Ինտերպոլի գլխավոր քարտուղարին, որ Կոսովոն կատարում է բոլոր պայմանները կազմակերպությանը միանալու համար, և որ «Կոսովոն ու Ինտերպոլը պետք են միմյանց»։
2015-ի նոյեմբերին Փարիզում ՅՈւՆԵՍԿՕ-ի գլխավոր համաժողովի ժամանակ Կոսովոյի անդամակցության հայցը մերժվել էր։ Հաջակցություն իրենց ձայնն էին տվել 92 երկրներ՝ անհրաժեշտ նվազագույն 95-ից, դեմ էին հանդես եկել 50 երկրներ։
