Բելառուսի մի քանի քաղաքներում չարտոնված հանրահավաքներ են անցկացվել՝ ձրիակերության մասին նախագահական հրամանագրի դեմ։ Այս մասին հայտնում է Interfax-ը։
Ամենախոշոր ակցիան անցկացվել է Գոմելում։ Ակցիային մասնակցել է մինչև 3000 մարդ։ Հարյուրավոր մարդիկ են հավաքվել նաև Մոգիլևում, Բրեստում և Վիտեբսկում։
Ցույցերին մասնակցել են ինչպես ընտանիքներ՝ երեխաների հետ, այնպես էլ թոշակառուներ և երիտասարդներ։ Նրանց ձեռքերին եղել են պաստառներ՝ «Ես ձրիակեր չեմ» գրությամբ։
Փետրվարի 27-ին համանման հանրահավաք էր անցկացվել մայրաքաղաք Մինսկում, որտեղ ակցիային մասնակցել էին տեղի ընդդիմադիր քաղաքական գործիչները։ Ակտիվիստները պահանջել էին հրամանագրի չեղարկում, կոմունալ ծառայությունների սակագների նվազեցում և արդար ընտրությունների վերադարձ։
Հրամանագիրը նախագահի կողմից ստորագրվել էր 2015-ի ապրիլին։ Համաձայն դրա՝ բոլոր աշխատունակ մարդիկ, ովքեր չեն աշխատում և հարկեր չեն վճարում 6 ամիս շարունակ, պետք է տարեկան 250 դոլարի չափով վճարում կատարեն, հակառակ դեպքում կենթարկվեն վարչական պատասխանատվության։
