Թեհրանը ձգտում է Մոսկվայի հետ ռազմավարական դաշինք ստեղծել մերձավորարևելյան տարածաշրջանում՝ «Ալ-Մայադին» հեռուստաալիքի հետ հարցազրույցում հայտարարել է Իրանի մեջլիսի նախագահ Ալի Լարիջանին։
Նա նշել է, որ Թեհրանն ու Մոսկվան տարաձայնություններ չունեն մերձավորարևելյան օրակարգի առանցքային հարցերի շուրջ, մասնավորապես միջսիրիական կարգավորման։
Իրանը Ռուսաստանի և Թուրքիայի հետ հանդիսանում է Սիրիայում հրադադարի երաշխավոր։ Հենց նրանց աջակցությամբ է Աստանայում առաջին անգամ կայացել անմիջական բանակցություններ սիրիական իշխանությունների և ընդդիմության միջև։
Լարիջանին նաև ողջունել է արաբական երկրների, այդ թվում տարածաշրջանում իր գլխավոր մրցակցի՝ Սաուդյան Արաբիայի հետ ուղիղ երկխոսություն հաստատելու գաղափարը։ Նա, այդուհանդերձ, ընդգծել է, որ նման փոխգործակցությունը պետք է լինի առանց որևէ նախապայմանի։
