«Առաջին լրատվական»- ի զրուցակիցն է պատմաբան, ԵՊՀ դասախոս Վարդան Խաչատրյանը:
–«Հոգևոր Հայաստան»-ը նախընտրական այս թոհուբոհի մեջ ի՞նչ մասնակցություն է ունենալու: Դուք հայտարարություն տարածեցիք՝ ընտրությունների օրը փոխելու հետ կապված: Առհասարակ կարևոր փաստերի, խնդիրների հետ կապվա՞ծ եք միայն արձագանքելու, թե՞ ինչ-որ առումով նաև մասնակցություն կունենաք առաջիկա խոհրդարանական ընտրություններին:
-Առավել հավանական է, որ զարգացումները, ես կասեի՝ վտանգավոր զարգացումներն այդքանով չեն ավարտվում, և որքան մոտենանք յուրօրինակ հանգուցալուծմանը, ինչպիսին հանդիսանում են ընտրությունները, երևի թե էլի կլինեն խնդիրներ, որոնց «Հոգևոր Հայաստան»-ը կարձագանքի: Չնայած համարում եմ, որ ըմբռնում եղել է, ընկալում եղել է մեր ներկայացրած խնդրի առումով, իհարկե ոչ իրավական տեսակետից, այլ բարոյահոգեբանական տեսակետից, այնուամենայնիվ, մենք համարում ենք, որ, ըստ էության, այդ հարցը լուծված չէ, և մենք երևի թե ստիպված կլինենք նորից արձագանքել այդ հարցին, և շեշտադրում կատարել, որ անթույլատրելի է:
–Հանրապետականների մի մասը նշում է, որ սա հաղթանակի օր է և պետք չէ հնչեցնել այնպիսի գնահատականներ, ինչպիսին դուք ձեր հայտարարության մեջ էիք նշել:
-Մեր հայտարարության մեջ նշված գնահատականն այն էր, որ ժողովրդի գիտակցության մեջ ընտրությունը գիտակցվում է տասնյակ արատավոր երևույթների հետ, ինչպիսիք են՝ կաշառք բաժանելը, բռնաճնշումները, ընտրությունների ազատության սահմանափակումը, արդարացիության վիճարկելիությունը և շատ դեպքերում նրա բացակայությունը: Եվ հանկարծ մենք այդպիսի ոգեղեն օրը, ինչպիսին այդ 18 տարեկան երիտասարդների աներևակայելի ոգեղեն վերելքի, թշնամու զորքի տեղաշարժի կասեցումը գնահատելու մեկ տարին լրանալու օրն է… մեկ տարին անցնելով՝ չի վերացել այդ սպառնալիքը, այն առկախված է, և եթե մենք այսպիսի վերբերմունք ունենայինք այն ամենի նկատմամբ, ինչը մեր ոգեղեն վերելքների յուրօրինակ առանցքն է եղել դարեր շարունակ, մենք երևի թե մինչև այսօր հասած չլինեինք: Եթե փորձենք հանկարծ այդ օրերի ընթացքում իրականացնել այնպիսի գործընթաց, ինչպիսին ընտրությունն է՝ իր ողջ արատավոր պրակտիկայով, երևի թե մենք անթույլատրելի սխալ գործած կլինենք:
Հարցազրույցն ամբողջությամբ՝ տեսանյութում: