Վերջին ժամանակներում լուրեր տարածվեցին, որ Ռուսաստանը փորձում է Պարսից ծոցի երկրներին համոզել Իրանի մասնակցությամբ անվտանգության նոր համակարգի ստեղծման անհրաժեշտության մասին:
Ակնհայտ է, որ Ռուսաստանը, լինելով տնտեսական ճգնաժամի մեջ գտնվող պետական-մենաշնորհային կապիտալիստական երկիր, փորձում է ընդլայնել իր ազդեցությունը Պարսից ծոցում՝ ձգտելով օգտվել հարստությունից և վաճառելով իր զենքը: Եթե առաջ այդ հարցում «անօդ տարածություն» էր՝ կապված 2008թ. տնտեսական ճգնաժամով պայմանավորված՝ ամերիկացիների՝ այդ տարածաշրջանից հեռանալու հետ, ապա ի դեմս Թրամփի՝ իշխանության են եկել աջ ֆաշիստները, ինչը կարող է խնդիրներ առաջացնել ոչ միայնՊարսից ծոցում, այլև ողջ աշխարհում:
Այս ամենը կատարվում է ԵՄ-ի ներքին խնդիրների լույսի ներքո, որոնցից մեկը աջ ֆաշիստների՝ իշխանության գալու հետանկարն է: Դա վտանգի տակ կդնի ԵՄ-ի գոյությունը՝ որպես անվտանգ տնտեսական համակարգի, եթե հաշվի առնենք, որ Մեծ Բրիտանիան արդեն դուրս է եկել ԵՄ-ից: Այժմ Մեծ Բրիտանիան փորձում է նոր տնտեսական կապեր ստեղծել Պարսից ծոցի երկրների հետ, դա հաստատեց նաև Թերեզա Մեյը Պարսից ծոցի երկրների ղեկավարների մասնակցությմաբ վերջին գագաթնաժողովում:
Իրանը տարածաշրջանում կարևոր խաղացող է՝ Իրաքի, Սիրիայի, Լիբանանի և Յեմենի վրա ունեցած իր ազդեցությամբ: Իհարկե, այդ տարածաշրջանում տիրող լարվածությունը ոչ մեկին ձեռնտու չէ, և նրանց համագործակցությունը կհանգեցնի տարածաշրջանի բոլոր ժողովուրդների բարեկացության աճին:
Իրանն այժմ բազմաթիվ տնտեսական և ֆինանսական խնդիրներ ունի, որոնք անհնար է լուծել առանց քաղաքական և սոցիալական կայունություն հաստատելու: Նման կայունություն հնարավոր կլինի ձեռք բերել միայն տարածաշրջանում ռազմական լարվածության վերացման պայմանով: Անհրաժեշտ են խաղաղասիրական նախաձեռնություններ և բաց քաղաքականություն աշխարհի տարբեր քաղաքակրթությունների հետ, առաջին հերթին հարևանների՝ Պարսից ծոցի երկրների հետ: Կկարողանա՞ արդյոք կապիտալիստական Ռուսաստանը համոզել իր դաշնակից Իրանին աշխատել այդ ուղղությամբ նոր ռազմական դաշինքներ ստեղծելու փոխարեն, որոնք կոչված են հարստահարելու տարածաշրջանի երկրներին: