Ամերիկյան լեգենդար երգիչ Էլվիս Փրեսլիի միակ դուստր Լիզա Մարիան հայտարարել է, որ ցնցվել է, երբ իր նախկին ամուսնու համակարգչում հայտնաբերել է մեծ քանակությամբ անպարկեշտ նկարներ երեխաների հետ: Այդ մասին գրում է metronews-ը:
49-ամյա Լիզա Մարիան վարկաբեկող նյութերը գտել է իր թվով չորրորդ ամուսնու` Մայքլ Լոքվուդի համակարգչում: Նրա նախկին ամուսիններից են եղել նաև Մայքլ Ջեքսոնը և Նիկոլաս Քեյջը:
Այն բանից հետո, երբ նա դիմել է ոստիկանություն, իրավապահ մարմինների աշխատակիցները Մայքլ Լոքվուդի մոտ հայտնաբերել են 80 սարք, որոնք հնարավոր է՝ պարունակեն նման նյութեր: 55-ամյա Մայքլ Լոքվուդը հայտնի կիթառահար և պրոդյուսեր է: