Լուրեր
Թուրքիայում հայ քրիստոնյան թիրախավորված չէ, բայց, միևնույն է, ամենաշատը տուժում են հայերը. պոլսահայ լրագրող

Դիվանագետ և պոլսահայ լրագրող Րաֆֆի Հերմոն Արաքսը, այսօր լրագրողների հետ զրույցում անդրադառնալով հայ-թուրքական հարաբերություններին և մասնավորապես՝ Հայոց ցեղասպանության ճանաչման հարցին, նկատեց որ վերջին հինգ տարիներին տեղի ունեցած փոփոխություններն անհնար է չնկատել:

«Հինգ տարի առաջ երևակայել անգամ չէր կարելի՝ Թուրքիայի մեջ Ապրիլի 24-ի ոգեկոչման անցկացումը թուրքական ոստիկանների ու զենքերի հսկողության տակ, որպեսզի ոստիկանները պահպանեն երթի մասնակիցներին ազգայնամոլ թուրքերից: Եթե այսօր Ստամբուլի մեջ՝ ֆրանսիական հյուպատոսարանի առջև 10 հազար մարդ է դուրս գալիս ոգեկոչման, չկարծեք, թե դրանք բոլորը հայեր են, 500 հայ հազիվ լինեն, մնացածը թուրքեր և քրդեր են: Իսկ սա մի բան է նշանակում, որ Թուրքիայի մեջ կան 5-6 քաղաքներ, որտեղ ընդհանրապես հայեր չկան, բայց ապրիլի 24-ը այնտեղ ոգեկոչում են»,-ասաց նա: Րաֆֆի Հերմոն Արաքսի խոսքով՝ սա բաժակի լեցուն կողմն է:

«Իսկ բաժակի դատարկ կողմն իհարկե նույնպես պետք է տեսել: Այսօր Թուրքիայի մեջ հատուկ հայ քրիստոնյաների համար հակակեցվածք կամ այսպես ասած ճնշում կա, սակայն ամենաշատ տուժողները չնչին տագնապի դեպքում անգամ փոքրամասնություններն են, և ամենից շատ՝ հայերը»,- ասաց Րաֆֆի Հերմոն Արաքսը:

Մանրամասները՝ տեսանյութում:

 

 

  • Դիտումներ՝ *