Պաշտպանության նախկին նախարար Սեյրան Օհանյանը, ով գլխավորում է «Օհանյան-Րաֆֆի-Օսկանյան» դաշինքի ցուցակը, այսօր հրավիրված ասուլիսին անդրադառնալով դիտարկմանը, որ նա հանդես է գալիս ընդդիմադիր դիրքերից և, ըստ էության, պայքարում է Սերժ Սարգսյանի դեմ, նշեց. «… ՀՀ նախագահի հետ ես որևիցե խնդիր չունեմ, բացի նրանից, որ մենք այլ տեսակետներ ունենք պետական մեր կառավարման համակարգը ձևավորելու և կառավարում իրականացնելու համար: Այդ տեսակետները մեր ծրագրային գործունեության ընթացքում ես կարտահայտեմ»:
Սեյրան Օհանյանը նաև ընդգծեց, որ ինքը բավականին մեծ հարգանք ունի այսօրվա կառավարման համակարգում գործող տարբեր կուսակցության ներկայացուցչների նկատմամբ:
«Ես պաշտոնին հրաժեշտ եմ տվել հանգիստ, որևիցե մի գայթակղություն չի եղել, բոլորի նկատմամբ նորմալ մարդկային հարբերություններ ունեմ», – նշեց Ս. Օհանյանը:
Մանրամասները՝ տեսանյութում: