Բելառուսական Bel Oil-ը Իրանյան ազգային նավթային ընկերությունից (NIOC) գնել է 80 հազար տոննա նավթ փետրվարի առաքամբ, հայտնում է Reuters-ը` վկայակոչելով չորս աղբյուրների:
Գործակալության տվյալներով` Բելառուսը առաջին անգամ է նավթի գնում կատարել Իրանից: Մինսկը այլընտրանք է փնտրում այն բանից հետո, երբ 2016 թվականի կեսերին Ռուսաստանը նվազեցրել է նավթի մատակարարումը Բելառուս:
Գործակալության տվյալներով` NIOC-ը 600 հազար բարել նավթ կուղարկի Bel Oil Polska ընկերությանը, որն հանդիսանում է Bel Oil-ի արտահանման գծով ստորաբաժանումը: 2 աղբյուրների տվյալներով` Bel Oil-ը իրանական նավթը կամ Սև ծովով կուղարկի Օդեսայի նավահանգիստ, կամ Բալթիկ ծովով լատվիական Վենտսպիլս, որտեղից այն Բելառուս կհասցվի երկաթուղու միջոցով:
