Apple կորպորացիան հայտարարել է WWDC 2017 մշակողների համար ամենամյա միջոցառման ամսաթիվը: Այդ մասին հայտնում է Lenta.ru-ն:
Միջոցառումը տեղի կունենա 2017 թվականի հունիսի 5-ից 9-ը Սան Խոսեում՝ McEnery Convention Center-ում: Վերջին անգամ WWDC-ը տեղի է ունեցել այդ կալիֆոռնիական քաղաքում 2002 թվականին:
Ենթադրում է, որ շնորհանդեսին կներկայացվեն ընկերության նոր` macOS, iOS, watchOS և tvOS օպերացիոն համակարգերը: Վերլուծաբանները նաև ակնկալում են, որ կցուցադրվեն նաև նոր iPad պլանշետներ, որոնց թվում iPad Pro mini-ն` 7.9 դույմ անկյունագծով: