«Հայկական վերածնունդ» կուսակցության առաջնորդ Արթուր Բաղդասարյանը ներկայացրել է կուսակցության համամասնական ցուցակի առաջին 7 անձանց անունները: Փետրվարի 16-ին լրագրողների հետ հանդիպմանն Արթուր Բաղդասարյանը հայտնեց, որ համամասնական ցուցակը գլխավորելու է ինքը: «Ցուցակում երկրորդը Մհեր Շահգելդյանն է, երրորդը` Հեղինե Բիշարյանը, չորրորդը` Հովհաննես Մարգարյանը, հինգերորդը` Իշխան Խաչատրյանը, վեցերորդը` Էդգար Առաքելյանը, յոթերորդը` Մարինե Քոչարյանը»,- ասաց Արթուր Բաղդասարյանը:
Նրա խոսքով՝ համամասնական և տարածքային ցուցակը բաղկացած է 300 մարդուց, որը Ընտրական օրենսգրքի թույլատրելի շեմն է. համամասնական ցուցակում ընդգրկված է 136, տարածքայինում՝ 164 անձ:
«Հայկական վերածնունդ» կուսակցության առաջնորդը հավելեց , որ կուսակցության կարգախոսն է՝ «Քվեարկիր հանուն վերածննդի»:
