«Առաջին լրատվական»- ի զրուցակիցն է «Հոգևոր Հայաստան» նախաձեռության աջակից Աշոտ Մանուչարյանը:
-Պարոն Մանուչարյան, հետաքրքիր է Ձեր տեսակետը քաղաքական վերջին իրադարձությունների մասին, դաշինքները կարծես իրենց վերջնական տեսքը ստացել են և արդեն հայտնի է, թե ինչ ֆորմատով են մասնակցելու ընտրություններին: Կա՞ ինչ-որ դաշինք, որի հետ կարելի է ռեալ փոփոխությունների հույսեր կապել:
-Այս արարողությունը, որ կատարվում է, կոչվում է ընտրություն, իրականում սա մի գործընթաց է, որը մեզ հրամցվել է, որով մենք արդեն 25 տարի է իրար բզկտում ենք, երկիրը ոչնչացնում ենք, արժեքները աղճատում ենք, մարդիկ դառնում են այդ կերակրատաշտի համար կռվի, պայքարի նվիրյալներ, և մենք հիմա դա անում ենք այն ժամանակաշրջանում, երբ գիտենք՝ ինչ վիճակ է աշխարհում և մասնավորապես մեր տարածաշրջանում, երբ որ մենք պետք է լինենք առավելագույն ամբողջական, բայց մենք բզկտմամբ ենք զբաղված: Մենք կարևոր գործով ենք զբաղված՝ կերակրատաշտ: Սա այն միջավայրն է, որում հայտնվել ենք, ընտրություն այս ընտրության մեջ գոյություն չունի:
Մենք ի սկզբանե վերցրել ենք մի բանաձև: Միջնադարում Եվրոպայում անբարոյականությունը տարածվում էր մի կետից՝ Վենետիկից, դրա համար չէին ասում Վենետիկ, ասում էին՝ վենետիկյան պոռնիկ: Այսօր նորից այդ նույն իրավիճակն է: Մենք օրենսդրությունը ստանում ենք Վենետիկյան հանձնաժողովից, որը սիմվոլիկ բան է, ժողովրդին այս վիճակի մեջ է մտցնում, որպեսզի իրար բզկտեն, որպեսզի գողերը կառավարեն երկիրը, և՛ իրենք թալանեն, և՛ հնարավորություն տան, որ ուրիշները թալանեն, մանիպուլյացիայի ենթարկեն և երկիրը աշխարհաքաղաքական այս կամ այն դասավորություններում օգտագործեն: Վենետիկյան պոռնիկի առաջին գործընկերը Հայաստանում դարձավ Ղարաբաղյան կլանը… Ղարաբաղյան կլանն արդեն հարվածի տակ է դնում ամեն ինչ:
Հարցազրույցն ամբողջությամբ՝ տեսանյութում:
