«Միայն օրենսդրական բարեփոխումներ մշակելով և ներկայացնելով հնարավոր չէ արդյունքի հասնել կոռուպցիայի դեմ պայքարում: Եթե քաղաքական կամքը բավարարում է միայն օրենսդրական փոփոխություններ անելուն և դրանից հետո հետամուտ չեն լինում, որ այդ օրենքները թղթի վրա չմնան, կատարվեն, ապա դա բավարար չէ կոռուպցիայի դեմ պայքարում արդյունքի հասնելու համար»,- «Առաջին լրատվական»- ի հետ զրույցում այս մասին ասաց «Թրանսփերենսի ինթերնեյշնլ» հակակոռուպցիոն կենտրոնի հայաստանյան գրասենյակի ղեկավար Վարուժան Հոկտանյանը:
Անդրադառնալով վերջին շրջանում վարչապետ Կարեն Կարապետյանի և Հայաստանում ԱՄՆ դեսպան Ռիչարդ Միլզի հանդիմանը, Հոկտանյանը նշեց. «Դեռևս չկա ռազմավարության և միջոցառումների իրականացման ծրագրի համակարգված աշխատանք. քննարկվում են տարբեր հարցեր, բայց միջոցառումներ դեռ նշանակված չեն: Ամենայն հավանականությամբ, դեսպանն ուզում էր հասկանալ՝ արդյո՞ք շարունակվում է նախկին մոտեցումը, այսինքն՝ ասվում են շատ-շատ խոսքեր, բայց դրանք իրականություն չեն դառնում, և արդյո՞ք նոր վարչապետը կկանգնեցնի այդ միտումը, և վիճակը կբարելավվի, թե ոչ»: Վ. Հոկտանյանի դիտարկմամբ՝ ԱՄՆ դեսպանը յուրահատուկ կերպով զգուշացրեց՝ այսպես շարունակեք վատ կլինի:
Հոկտանյանի խոսքով՝ այս նախընտրական փուլում, երբ դաշինքներ են ձևավորվում, դաշինքներ են քանդվում, բացի պոպուլիստական հայտարարություններից, այլ բան հնարավոր չէ ակնկալել: Ընտրությունների հետ կապված կլինի դադար, լուրջ աշխատանք եթե լինի, ապա կլինի միայն ընտրություններից հետո:
Մանրամասները՝ տեսանյութում:
