ՀՅԴ-ն այսօր հրապարակեց նախընտրական ցուցակը: Այն գլխավորելու է ՀՀ ԱԺ ՀՅԴ խմբակցության ղեկավար Արմեն Ռուստամյանը, երկրոդ տեղում է Աղվան Վարդանյանը, երրորդ տեղում՝ Դավիթ Լոքյանը:
ՀՅԴ խմբակցության մամուլի քարտուղար Աղվան Վարդանյանը տեղեկացրեց, որ առաջին տասնյակում ընդգրկված են նաև Արմենուհի Կյուրեղյանը, Լևոն Մկրտչյանը, Արծվիկ Մինասյանը, Արմեն Բաբայանը, Ռուզաննա Առաքելյանը, Սպարտակ Սեյրանյանը և Միքայել Մանուկյանը:
Աղվան Վարդանյանը նշեց, որ ՀՅԴ-ն որոշել է շռայլ գտնվել և կհրապարակի ցանկի 30 անունը: «Երկրորդ տասնյակը գրեթե ամբողջությամբ մեր երիտասարդ ընկերներն են և նոր դեմքեր, որոնց մի մասին ճանաչում եք. Սարգսյան Արտակ, Պետրոսյան Նունե, Սահակյան Արտավազդ, Սիմոնյան Աշոտ, Եղիազարյան Արթուր, Մանուկյան Լիլիթ, Առաքելյան Հայկ, Ղազարյան Արթուր, Մանասարյան Վազգեն, Ասրյան Ժասմեն, Համբարձումյան Արսեն, Գեղամյան Վահան, Գևորգյան Գագիկ, Նանյան Մարինե, Սաղաթելյան Իշխան, Մանուկյան Ռոմիկ, Շահբազյան Արտաշես, Հարությունյան Անահիտ, Լոքյան Սերգեյ և 30-րդը՝ Շախմուրադյան Կարեն», – նշեց Ա. Վարդանյանը:
Նա նաև հավելեց, որ ՀՅԴ ցուցակն, ընդհանուր առմամբ, կազմված է 170 անձանցից, տարածքային թեկնածուների թիվը մոտ 150 է:
Վարդանյանի պնդմամբ՝ իրենց ցուցակներում չկան օդիոզ դեմքեր, իսկ իրենք գնում են ընտրությունների՝ սեփական ամբիցիաները մի կողմ դրած:
«Այն ամբողջ դժգոհությունները, որոնք առկա են մեր երկրում, պետք է վերացնել` դրանք սնող պատճառները վերացնելով: Համակարգային արատները պահպանվել են. մեր երկրում մարդիկ են փոխվել, բայց i իշխանության նոր որակ չի ձևավորվել»,- նշեց ՀՅԴ խմբակցության ղեկավար Արմեն Մարտիրոսյանը՝ հավելելով, որ ՀՅԴ-ն այս տարիների ընթացքում ամեն ինչ արել է նոր որակ ստանալու և իշխանությունների գործելաոճը միջազգային չափանիշներին համապատասխանեցնելու ուղղությամբ: Նրա խոսքով՝ իշխանությունը կրողները պետք է համապատասխան լինեն այդ նպատակին:
ՀՅԴ-ն ընտրությունների է գնում «Նոր սկիզբ․ արդար Հայաստան» կարգախոսով:
Մանրամասները՝ տեսանյութում:
