2016 թվականի ապրիլը ցույց տվեց, որ հայկական կողմը պետք է պատրաստ լինի ցանկացած արկածախնդրության Ադրբեջանի կողմից,- այսօր լրագրողների հետ զրույցում ասաց ՀՀ արտաքին գործերի փոխնախարար Շավարշ Քոչարյանը: «Մինչ այդ էլ պարզ էր, բայց ապրիլից հետո այն ավելի ակնհայտ է: Ես կարծում եմ, որ եթե մի նոր փորձ կատարվի Ադրբեջանի կողմից, այս անգամ արդյունքներն իր համար շատ ավելի ծանր կլինեն», – ընդգծեց նա:
Անդրադառնալով դիվանագիտական ճանապարհով Ադրբեջանի ռազմական հարձակումը զսպելու վերաբերյալ հարցին, փոխարտգործնախարարն ասաց. «Խնդիրը ոչ թե այն է, որ Ադրբեջանի հետ պետք է փոխզիջման գնալ, որովհետև նա դա չի ցանկանում, այլ այն, որ պետք է աշխատել բոլոր միջազգային կառույցներում այդ ամենը բացահայտելու համար: Այն, ինչ-որ Լեռնային Ղարաբաղի Հանրապետությունը, վերջիվերջո բոլորը գալու են դրան, այսինքն՝ ԼՂՀ-ն իր ջանքերը կենտրոնացրել է իր միջազգային ճանաչման վրա»:
Մանրամասները՝ տեսանյութում:
