Հոլանդիայում տեղական PAL-V ընկերությունը սկսել է թռչող Liberty մակնիշի ավտոմեքենաների պատվերներ ընդունել. դրանց մատակարարումը ծրագրվում է իրականացնել հաջորդ տարվա վերջին՝ տեղեկացնում է NewAtlas-ը:
Առաջին թռչող ավտոմեքենաները կարժենան կես միլիոն դոլար: Դրանց տերերը պետք է նախապես օդաչուի արտոնագիր ստանան, այնուհետև մեքենան կառավարելու լրացուցիչ դասընթացներ անցնեն արտադրող ընկերությունում:
Ընկերությունը մտադիր է հետագայում ավտոմեքենաների գինը նվազեցնել՝ հասցնելով 300 հազար եվրոյի:
Հայտնի է նաև, որ թռչող ավտոմեքենաները ունակ են բարձրանալու մինչև 3,5 հազար մետր, նրանց առավելագույն արագությունը 180կմ/ժ է, առանց վայրէջքի նրանք կարող են թռչել մինչև 500 կմ:
