Վրաստանում ձերբակալվել է Պատրիարքարանի սեփականության կառավարման ծառայության ղեկավար հայր Գեորգի Մամալաձեն, ով մեղադրվում է բարձրաստիճան հոգևորականի սպանության նախապատրաստման մեջ: Աս մասին հաղորդում է Sputnik գործակալության վրացական ծառայությունը՝ վկայակոչելով Վրաստանի գլխավոր դատախազ Իրաքլի Շոթաձեի հայտարարությունը:
Տեղեկտվության համաձաայն՝ քննությունը սկսվել է 2017 թվականի փետրվարի 2-ին Վրաստանի քաղաքացիներից մեկի դիմումի հիման վրա, որը դիմել է Վրաստանի գլխավոր դատախազություն և նշել, որ հայր Գեորգի Մամալաձեն խնդրել է իրեն օգնել գտնել կյանքի համար վտանգավոր թունավոր նյութ՝ ցիանիդ:
Քննությունը պարզել է, որ հայր Գեորգի Մամալաձեն խնդրել է կարճ ժամկետներում գտնել թունավոր նյութ՝ ցիանիդ, ինչի դիմաց պատրաստ է եղել գումար վճարել, ինչպես նաևպարգևատրել ծառայության համար: Դիմումը ներկայացրած անձը պարզել է, որ թույնը հարկավոր է բարձրաստիճան հոգևորականի դեմ մահափորձի համար:
Ինչպես ավելի ուշ պարզվել է, Մամալաձեն պատրաստվում էր մեկնել Գերմանիա, որտեղ Համայն վրաց պատրիարք Իլյա Երկրորդը բուժման մեջ է գտնվում, և նրան թունավոր նյութը հարկավոր է եղել մինչև մեկնումը:
Նշվում է նաև, որ Գեորգի Մամալաձեի տանն անցկացված խուզարկության ժամանակ հրազեն է հայտնաբերվել:
Վելի վաղ տեղեկացրել էինք այն մասին, որ վրացական «Ռուսթավի 2» հեռուստաալիքը՝ վկայակոչելով իր աղբյուրներին, հաղորդել է Համայն վրաց պատրիարք Իլյա Երկրորդի հնարավոր թունավորման փորձի մասին, ով այժմ Գերմանիայում պատրաստվում է վիրահատության: