RIA Novosti-ի փոխանցմամբ` ԱՄՆ-ն աջակցում է Վրաստանին երկրի զարգացման բոլոր գործընթացրերում և նրան համարում է հուսալի գործընկեր, հայտարարել է Վրաստանի արտգործնախարար Միխայիլ Ջանելիձեն Վաշինգտոնում ԱՄՆ պետքարտուղար Ռեքս Թիլերսոնի հետ հանդիպումից հետո:
«ԱՄՆ-ը գնահատում է այն ավանդը, որը Վրաստանը ունի գլոբալ մասշտաբով անվտանգության ապահովման տեսակետից: Մենք քննարկել ենք Վրաստանում անցկացված բարեփոխումները, այն գործընթացները, որոնք կապված են մեր երկրի զարգացման հետ: Բոլոր գործընթացները, որոնք իրականացնում է Վրաստանի կառավարությունը, գնահատվել են դրական: Մենք քննարկել ենք տարածաշրջանում Վրաստանի դերը և այնտեղ գոյություն ունեցող տնտեսական պոտենցիալը»,- հայտարարել է Ջանգելիձեն լրագրողներին, ավելացնելով, որ պետքարտուղարի կարծիքով «Վրաստանը հանդիսանում է հուսալի գործընկեր ԱՄՆ-ի համար»:
Ջանելիձեն նաև հայտնել է, որ հանդիպմանը քննարկվել են ռուս-վրացական հարաբերությունները և իրավիճակը Աբխազիայում և Հարավային Օսիայում: Նախարարի խոսքերով` Վրաստանը հերթական անգամ ԱՄՆ-ից ամուր աջակցություն է ստացել երկրի տարածքային ամբողջականության և ինքնիշխանության հարցերում: Կողմերը նաև քննարկել են Վրաստանի և ԱՄՆ-ի միջև դիվանագիտական հարաբերությունները:
«Ցանկություն է արտահայտվել աջակցել Վրաստանին բոլոր այն գործընթացներում, որոնք կնպաստեն երկրի կայուն և խաղաղ զարգացմանը։ Հանդիպմանը ընդգծվել է, որ այսօր Վրաստանի և ԱՄՆ միջև ռազմավարական համագործակցությունը հանդիսանում է շատ խորը, բազմակողմանի և ընդգրկում է շատ տարբեր ուղղություններ»,- ասել է Ջանելիձեն: