ԱՄՆ ՄԶԳ-ի կողմից ֆինանսավորվող Փոքրածավալ ենթակառուցվածքների վերականգնման ծրագիրը (ՓԵՎԾ), որն իրականացվում է «Քոփերաթիվ հաուզինգ ֆաունդեյշն ինթերնեյշնլի» (ՍԻ Էյջ Էֆ ) և «Շեն» ԲՀԿ-ի կողմից, 2010 թվականի նոյեմբերի 12-ին նշեց Տավուշի մարզի Սևքար գյուղի մանկապարտեզի վերանորոգման ավարտը` հնարավորություն ընձեռելով համայնքի 100 մանուկներին ստանալու անհրաժեշտ նախադպրոցական կրթություն: Միջոցառմանը մասնակցեցին Տավուշի մարզպետ Արմեն Ղուլարյանը, ՄԶԳ Հայաստանի առաքելության տնտեսական զարգացման գրասենյակի տնօրեն Կոնան Փեյսընը, Հայաստանում ՄԱԿ-ի մշտական համակարգող, ՄԱԶԾ մշտական ներկայացուցիչ Դաֆինա Գերչևան, Սևքարի գյուղապետ Վլադիմիր Մարգարյանը, ՄԶԳ Հայաստանի առաքելության, «Սի Էյջ Էֆ» Հայաստանի, «Շեն» ԲՀԿ-ի, «Ուորլդ Վիժն» Հայաստանի ներկայացուցիչներն, ինչպես նաև գյուղի համայնքը:
Սևքարի մանկապարտեզի շենքը իննսունականներին հայ զինվորներին ծառայել էր որպես ապաստան, որից հետո իր գործունեությունը վերսկսելու համար այն ամբողջական վերանորոգման կարիք ուներ: «Սի էյջ Էֆ»-ը ամբողջապես վերակառուցեց մանկապարտեզը, ներառյալ ներքին տարածքի վերանախագծումը, դռների և պատուհանների տեղադրումը, հատակի նորացումը, պատերի սվաղումն ու ներկումը, էլեկտրալարերի անցկացումը, տաք և սառը ջրի համակարգի ստեղծումն ու տանիքի կառուցումը: «Սի Էյջ Էֆ»-ը միջոցներ ձեռնարկեց նաև տարածքի բարեկարգման համար: