Brand Finance-ի հետազոտության համաձայն` աշխարհի ամենաթանկ բրենդների վարկանիշում Google-ը գրավել է առաջին տեղը, առաջ անցնելով Apple-ից: Ճշտվում է, որ Google բրենդի արժեքը 2016 թվականին ավելացել է մոտ մեկ քառորդով և հասել է 109.47 միլիարդ դոլարի:
Apple բրենդը էժանացել է մոտ 27%-ով՝ հասնելով մինչև 107.141 միլիարդ դոլարի: Երրորդ տեղում է Amazon.com-ը, որը գնահատվել է 106.396 միլիարդ դոլար:
Չորրորդ տեղում է AT&T հեռահաղորդակցման ընկերությունը, որը թանկացել է ավելի քան 45%-ով՝ հասնելով 87.016 միլիարդի: Հինգերորդ տեղում է Microsoft-ը (76,265 միլիարդ դոլար), իսկ վեցերորդ տեղում հարավկորեական Samsung ընկերությունն է (66.219 միլիարդ դոլար):
