Ամերիկացի սենատորներ Ռոբերտ Մենենդեսը և Էդ Մարքին Հայաստանի և Լեռնային Ղարաբաղի վերաբերյալ հարցեր են ուղղել ԱՄՆ պետքարտուղարի թեկնածու Ռեքս Թիլերսոնին: Ինչպես հաղորդում է asbarez.com-ը, հարցերն ուղղվել են նրա պաշտոնի հաստատման հարցով լսումների ժամանակ։ Սենատի արտաքին կապերի հանձնաժողովը հաստատել է Թիլերսոնի թեկնածությունը հունվարի 23-ին, այժմ նրա թեկնածությունը պետք է հաստատի նաև Սենատը:
Անդրադառնալով Լեռնային Ղարաբաղի վերաբերյալ Մարքիի հարցին՝ Թիլերսոնն անսել է. «Եթե թեկնածությունս հաստատվի, կաշխատեմ Հայաստանի և Ադրբեջանի իշխանությունների հետ՝ հակամարտության խաղաղ, երկարատև լուծում գտնելու համար, ինչն էլ իր հերթին կայունություն կապահովի տարածաշրջանում: Այս գործընթացում առաջին քայլը պետք է լինի վստահություն կառուցելը՝ երաշխավորելով, որ պետք է հարգվեն կողմերի միջև բոլոր համաձայնագրերը»:
Նա նաև նշել է, որ ԼՂ սառած հակամարտությունը սապռնում է տարածաշրջանի կայունությանը և ԱՄՆ ազգային անվտանգության շահերին:
Պատասխանելով սենատոր Մենենդեսի՝ Հայող ղեցասպանության վերաբերյալ հարցին՝ Թիլերսոնն ասել է, որ պետքարտուղար դառնաշլու դեպքում « կաջակցի պատմական իրադարձությունների ամբողջական ուսումնասիրությանը, ինչպես նաև Հայաստանի ու Թուրքիայի միջև բաց երկխոսությանը՝ հանուն տարածաշրջանային կայունության»։
«1915 թվականի ողբերգական վայրագությունները ցավոտ հարց են մնում Հայաստանի և Թուրքիայի միջև հարաբերություններում, և է ԱՄՆ-ի շահերից է բխում երկու երկրների միջև խաղաղ և կայուն հարաբերությունների ապահովումը»,-հավելել է Թիլերսոնը:
Մարքիի այն հարցին, թե ԱՄՆ-ը ինչ քայլեր է ձեռնակում Թուրքիայի կողմից Հայաստանի ավելի քան 20-ամյա շրջափակմանը վերջ դելու համար, Թիլերսոնն ասել է, որ կաջակցի երկու երկրների միջև դիվանագիտական, տնտեսական և քաղաքացիական հասարակության միջև շփումներին: «ԱՄՆ-ի առաջնորդությունը և տարածաշրջանում ԱՄՆ-ի մասնակցության ակտիվացումը կօգնեն կառուցել անհրաժեշտ վստահություն Հայաստանի և Թուրքիայի միջև հարաբերությունները բարելավելու համար»,-հավելել է նա:
Անդրադառնալով ԱՄՆ-Հայաստան առևտրային կապերին՝ Թիլերսոնը նշել է, որ երկու երկրների շահրեից է բխում ընդլայնել այլ կապերը:
Նա նաև խոսել է Սիրիայից փախստականների ներհոսքի պատճառով Հայաստանի առջև կանգնած մարտահրավերների մասին և խոստացել ընտրվելու դեպքում աշխատել եվրոպացի գործընկերների հետ՝ այս հարցում Հայաստանին անհրաժեշտ օգնություն տրամադրելու համար: