ՀՀ աշխատանքի և սոցիալական հարցերի նախարար Արտեմ Ասատրյանի հանձնարարականով բժշկասոցիալական փորձաքննության բարեփոխումների շրջանակներում կստեղծվի հաշմանդամություն ունեցող անձանց բժշկասոցիալական փորձաքննության բժիշկ-փորձագետների տվյալների բանկ: Այս մասին տեղեկացրին ՀՀ աշխատանքի և սոցիալական հարցերի նախարարության հասարակայնո ւթյան հետ կապերի բաժնից՝ հավելելով. «Տվյալների բանկում գրանցվելու դեպքում Դուք կընդգրկվեք նշված ուղղությամբ որպես՝ բժիշկ-փորձագետ աշխատելու հնարավոր թեկնածուների ցանկում։ Համապատասխան մրցույթների շրջանակներում Ձեր հնարավոր թեկնածությունը ամրագրելու դեպքում Դուք կհրավիրվեք հարցազրույցի։
Ընտրված և վերապատրաստման կարիք ունեցող թեկնածուների համար ՀՀ աշխատանքի և սոցիալական հարցերի նախարարության «Աշխատանքի և սոցիալական հետազոտությունների ազգային ինստուտ» ՊՈԱԿ-ում կամ այլ մասնագիտացված կառույցներում կկազմակերպվեն նաև որակավորման բարձրացման և նեղ պրոֆիլավորման դասընթացներ։
Խնդրում ենք անցնել տվյալների բանկի գրանցման ձևի լրացմանը միայն այն դեպքում, եթե ունեք բարձրագույն բժշկական կրթություն և սովորում եք կամ ավարտել եք նվազագույնը կլինինիկական օրդինատուրա(յում)ն։
Տվյալների բանկում գրանցվելու համար խնդրում ենք բացել հետևյալ հղումը։
Լուսանկարը՝ Panorama.am-ի
