«Սիրիայի դեմոկրատական ուժեր» ընդդիմադիր զինված խմբավորումը, որը բաղկացած է հիմնականում քրդերից, հայտարարել է, որ ԱՄՆ ղեկավարությամբ գործող հակաահաբեկչական կոալիցիան ԱՄՆ-ում Դոնալդ Թրամփի պաշտոնավարությունից հետո ընդլայնել է Սիրիայի իր դաշնակիցներին տրամադրվող աջակցությունը և առաջին անգամ մատակարարել է զրահատեխնիկա: Այս մասին հայտնում է Reuters-ը՝ վկայակոչելով SDF ներկայացուցչին:
SDF ներկայացուցիչ Թալալ Սելոն նշել է, որ զրահատեխնիկան և զրահափոխադրամիջոցները տեղ են հասել 4-5 օր առաջ:
Նրա խոսքով՝ չնայած տեխնիկան մեծ քանակությամբ չի մատակարարվել, այնուամենայնիվ, դա «վկայում է նրանց աջակցության մասին»: «Մինչ այս մենք այդ ձևով օգնություն չէինք ստանում, մեզ մատակարարվում էր թեթև սպառազինություն և զինամթերք»,- ասել է նա: