Uber-ի գլխավոր տնօրեն Թրևիս Քալանիքն իր ֆեյսբուքյան էջում հայտարարել է, որ ընկերությունը մտադիր է փոխհատուցում վճարել վարորդներին, որոնց վրա տարածվում են ԱՄՆ նախագահ Դոնալդ Թրամփի հրամանագրով սահմանված մուտքի սահմանափակումները:
Ընկերության տվյալներով՝ ներկայումս Թրամփի հրամանագրով նախատեսվող արգելքը վերաբերում է Uber-ի 10-ից ավել աշխատակցի, սակայն նրա խոսքով՝ ԱՄՆ քաղաքացիություն չունեցող շատ վարորդներ հաճախ ուղևորվում են հայրենի երկիր՝ հարազատներին հանդիպելու:
«Հիմա մենք աշխատում ենք այդ վարորդների անձը պարզելու և հաջորդ 3 ամիսների համար pro bono փոխհատուցում տալու ուղղությամբ՝ ֆինանսական ճնշումը մեղմացնելու, նրանց ընտանիքներին աջակցելու համար»,- նշել է Քալանիքը:
Նա նաև հայտարարել է առաջացած խնդիրը Դոնալդ Թրամփի բիզնես-խորհրդատուների հետ առաջին հանդիպման ժամանակ Թրամփի հետ քննարկելու մտադրության մասին: