Սմարթֆոնների արտադրության գլոբալ ծավալներն անցած տարի աճել են 4.7 տոկոսով՝ հասնելով 1.36 մլրդ միավորի։ Նման տեղեկություն են ներկայացրել TrendForce հետազոտական ընկերության մասնագետները։ 2016 թվականի արդյունքներով շուկայի երեք խոշորագույն խաղացողնեն են Samsung-ը, Apple-ը և Huawei-ը, որոնք զբաղեցրել են շուկայի մոտ կեսը։ Այս մասին հայտնում է igate.com.ua-ն։
Առաջատարը հարավկորեական Samsung-ն է, որը, չնայած Note 7-ի հետ կապված ձախողման հետ, պահպանել է առաջնորդի կոչումը՝ գրանցելով փոքր նվազում։ 2016 թվականի արդյունքներով այն զբաղեցրել է շուկայի 22.8 տոկոսը։
Երկրորդ տեղում ամերիկյան Apple կորպորացիան է, որը շուկայում ունի 15.3 տոկոս մասնաբաժին։ Հետազոտությունում նշվում է, որ անցած տարի iPhone-ի արտադրությունը նվազել է 11.5 տոկոսով՝ հասնելով 209 մլն միավորի։
Չինական Huawei-ը շուկայում զբաղեցնում է 9.6 տոկոս մասնաբաժին։
