Թուրքմենստանում տեղի կունենա Կասպից ծովի կարգավիճակի որոշման հարցերով հատուկ աշխատանքային խմբի հերթական նիստը, անցկացման ժամկետը կհամաձայնեցվի դիվանագիտական ճանապարհներով: Այս մասին հայտնում է RIA Novosti-ն՝ վկայակոչելով Բաքվում հինգշաբթի ավարտված նիստի կոմյունիկեն:
Կասպից ծովի կարգավիճակի որոշման հարցերով աշխատանքային խմբի նիստը սկսվել է չորեքշաբթի Բաքվում, քննարկել են Կասպից ծովի կարգավիճակի վերաբերյալ կոնվենցիայի նախագծի չհամաձայնեցված մասերը և մերձկասպյան երկրների (Ռուսաստան, Ադրբեջան, Իրան, Ղազախստան և Թուրքմենստան) ԱԳՆ ղեկավարներ հանդիպման պատրաստությունը:
«Հատուկ աշխատանքային խմբի հերթական նիստը տեղի կունենա Թուրքմենստանում: Դրա անցկացման ժամկետը կհամաձայնեցվի դիվանագիտական ճանապարհներով»,- ասվում է փաստաթղթում:
Կասպից ծովի իրավական կարգավիճակի որոշման հարցն արդիական է դարձել ԽՍՀՄ-ի փլուզումից հետո, երբ միջազգային իրավունքի նոր սուբյեկտների՝ Ադրբեջանի, Ղազախստանի և Թուրքմենստանի առաջացումը դրել է Կասպից ծովն արդեն 5 երկրների միջև սահմանազատելու հարցը: Կասպից ծովի կարգավիճակի որոշման բարդությունները կապված են, մասնավորապես, այն լիճ կամ ծով ճանաչելու հետ, որոնց սահմանազատումը կարգավորվում է միջազգային իրավունքի տարբեր կետերով: