Gizbot ռեսուրսի փոխանցմամբ՝ WhatsApp հավելվածը iOS-ի համար ստացել է թարմացում։ Այն մշակողները հավելել են նոր հնարավորություններ՝ օֆֆլայն ռեժիմի պահպանումը, միաժամանակ մինչև 30 լուսանկար ուղարկելը և «Պահոց» կետում նոր բաժինների ստեղծումը։
Այժմ օգտատերերը կկարողանան զրուցակցին հաղորդագրություն ուղարկել առանց համացանցին միանալու։ Այդ դեպքում հաղորդագրությունը հասցեատիրոջը կհասնի ավտոմատ, հենց որ տեղի ունենա համացանցի միացում։
Բացի այդ, WhatsApp-ը հնարավորություն կտա միաժամանակ ուղարկել մինչև 30 լուսանկար կամ տեսանյութ։ «Տվյալներ և պահոց» բաժնում այժմ ամբողջական տեղեկատվություն է պարունակվում մեդիաֆայլերի մասին, որոնք ուղարկվել են չաթով։
