Tuesday, 19 03 2024
13:00
«Եթե խաղաղություն ենք ուզում, պետք է պատրաստվենք պատերազմի»․ Շառլ Միշելի հոդվածը
Տեղի է ունեցել ՀՀ վարչապետի և ՆԱՏՕ-ի գլխավոր քարտուղարի առանձնազրույցը
«Տաշիր» առևտրի կենտրոնը մասնակի փակվել է
Տրոլեյբուսը հայտնվել է խրամուղում. շինարարը կտուգանվի
8 բեռնատարից 7-ի մեջ հայտնաբերվել է մաքսային հսկողությունից թաքցված 7500 տուփ ծխախոտ
Նիկոլ Փաշինյանը շնորհավորել է Վլադիմիր Պուտինին նախագահի պաշտոնում վերընտրվելու առիթով
Ուղիղ. Նիկոլ Փաշինյանի և Ենս Ստոլտենբերգի ասուլիսը
Զախարովան մեկնաբանել է պատերազմի մասին Փաշինյանի խոսքերը
12:13
МИР քարտերի սպասարկման դադարեցում․ IDBank
12:09
Հայէկոնոմբանկի Visa Business քարտերն այժմ ավելի շահավետ պայմաններով
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ

Ինչ էր ասում Սարգսյանը «հող հանձնելու» մասին և ինչու Ալիևը չի ճանաչում Արցախի անկախությունը

Ռազմավարական և ազգային հետազոտությունների հայկական կենտրոնի տնօրեն, քաղաքագետ Մանվել Սարգսյանը «Առաջին լրատվական»-ի հետ հարցազրույցում մեկնաբանեց ՀՀ նախագահ Սերժ Սարգսյանի վերջին հայտարարությունը Լեռնային Ղարաբաղի հիմնախնդրի մասին, որը նա արել էր Դիլիջանում, զորացրված զինծառայողների հետ հանդիպման ընթացքում:

ՀՀ նախագահը ընդգծել էր, որ հայկական կողմի համար ամենակարևորը Ղարաբաղի կարգավիճակի որոշման հարցն է, և ինքը վստահ է, որ գալու է ժամանակ, երբ ԼՂ խնդիրը լուծվելու է հենց այդ ճանապարհով: Սերժ Սարգսյանը «ախմախություն» է որակել առանց Արցախի կարգավիճակի որոշման՝ ադրբեջանական կողմին հողեր հանձնելու մասին խոսակցությունները:

Ավելացնենք, որ ավելի ուշ՝ հունվարի 23-ին, նաև Ադրբեջանի նախագահն է խոսել Ղարաբաղի խնդրի մասին՝ կրկին զինծառայողների հետ հանդիպման ընթացքում հայտարարելով, որ «Լեռնային Ղարաբաղին երբեք անկախություն չի տրվելու»:

Պարոն Սարգսյան, դիրքորոշումների փոփոխություն տեսնո՞ւմ եք Սերժ Սարգսյանի հայտարարության մեջ՝ նախորդ հայտարարությունների հետ համեմատ: Հիշենք, որ Սերժ Սարգսյանը միշտ կողմ է արտահայտվել հակամարտության կարգավորման փոխզիջումային տարբերակներին՝ ներառյալ տարածքային զիջումները: Վերջին հայտարարությունը նշանակում է, որ մենք սկզբունքորեն կողմ ենք տարածքային զիջումներին, բայց առաջին հերթին պիտի կարգավիճակի հա՞րցը որոշվի:

Դրանք ընդամենը շեշտադրումներ են: Դա ընդամենը արտահայտություն է Մինսկի խմբի համանախագահների առաջարկած տարբերակից, որ Ադրբեջանը պետք է ճանաչի Ղարաբաղը: Ըստ էության, խոսքը Մարդիդյան սկզբունքների մասին է: Փաստորեն սեղանի վրա, մի կողմից, դրված է Ղարաբաղի անկախությունը ճանաչելու խնդիրը, մյուս կողմից՝ տարածքների վերադարձի հարցը: Որևէ բան չի փոխվել, նույն դրվածքն է, և որևէ բան չի փոխվել ղեկավարության մեկնաբանությունների մեջ: Ընդամենը Ապրիլյան պատերազմից հետո Հայաստանում և ընդհանրապես աշխարհում կենտրոն է ընկել հենց ստատուսի խնդիրը: Սերժ Սարգսյանն էլ է բազմաթիվ անգամ հայտարարել դա, Լավրովն էլ ավելի կտրուկ հայտարարեց: Փաստորեն այդ խնդիրն է դրված, որպեսզի Ադրբեջանը ճանաչի Ղարաբաղի անկախությունը, որը արդեն ճանապարհ կբացի հիմնախնդիրը կարգավորելու համար:

Կարգավիճակի խնդիրն այսպես է. հիմնախնդրի կարգավորման նախորդ տարբերակներում չկար իրար հետ կապված բանաձև, ընդամենը նշվում է, որ ինչ-որ տարածքներ են վերադարձնում, այլ խնդիրներ են լուծվում, որից հետո արդեն կորոշվի Ղարաբաղի կարգավիճակը: Հիմա այդպես չէ, կարգավորման տարրերը կապված են իրար հետ, ընդհանուր բանաձև է դրված, Ադրբեջանից պահանջվում է ճանաչել Ղարաբաղի կարգավիճակը: Էական տարբերությունը դա է:

– Այսինքն՝ այդ հարցն այժմ դրված է Ադրբեջանի առջև:

– Իհարկե, դրված է: Ինչո՞ւ, օրինակ, Ալիևը չի համաձայնվել Կազանում: Երբ հայկական կողմն ասել է՝ մենք գնում ենք առաջին քայլերին, դուք էլ ձեր քայլերն արեք, ադրբեջանական կողմը 10 նոր պայման է առաջ քաշել, որովհետև իրենց համար անընդունելի է որևէ իրավունք ճանաչելը, թե՛ Ղարաբաղի և թե՛ Հայաստանի: Նրանք չեն գնում այդ քայլին, և խնդրի էությունը դա է. իրավունք ճանաչելու ցանկություն չունեն:

Հայաստանում վերջերս շատ են խոսում, որ ուզում ենք պատերազմից խուսափել, զինվորները չզոհվեն սահմանին: Սա լուրջ խնդիր է Հայաստանի համար: Ադրբեջանը այդպիսի խնդիր չունի. ոչ զոհերի խնդիր ունի, ոչ էլ պատերազմից խուսափելու: Ի՞նչը պիտի իրենց ստիպի, որ գնան այդ քայլին: Իրենք հույս ունեին խորհրդային Ադրբեջանի տարածքում ստեղծել պետություն, բայց չի ստացվել: Հիմա խնդիրները լրիվ ուրիշ են, նրանք պիտի փորձեն ձեռք բերել այն, ինչ ցանկանում են: Եթե կորցրածը տվել է ուրիշին՝ իրավունքն ինչի՞ պիտի տա:

– Այս համատեքստում ինչպե՞ս եք մեկնաբանում Ռուսաստանի արտաքին գործերի նախարար Սերգեյ Լավրովի պատասխանը ադրբեջանցի լրագրողին: Ճիշտ է, դա զգալի առումով պատասխան էր ոչ կոռեկտ հարցին, որ Ղարաբաղի հարցը Ադրբեջանի ներքին խնդիրը չէ, բայց Լավրովը նաև նշեց, որ հիմնախնդիրը չի կարող լուծվել բռնի ուժով և որ տարածքների վերադարձի պահանջը պահպանվում է, բայց միայն Լեռնային Ղարաբաղի վերջնական կարգավիճակ որոշելու դեպքում:

Նա ընդամենը շատ ավելի կտրուկ ձևով նշել է այդ բանաձևը: Նա հիշեցրել է ադրբեջանցիներին, որ առաջարկած բանաձևը դա է: Այո, այդ հարցը կա, բայց կա նաև կարգավիճակի խնդիր, անգամ մի քիչ էլ անցել է Մադրիդյան սկզբունքներից. ասել է՝ ոչ թե միջանկյալ, այլ վերջնական ստատուս: Ինտրիգը դրա մեջ է: Լավրովը, փաստորեն, Մինսկի խմբից մի քայլ առաջ է արել:

– Իսկ ինչո՞ւ է նա այդպիսի հայտարարություն անում:

– Դա արդեն գալիս է Ռուսաստանի ընդհանուր քաղաքականությունից և կապված է շատ ավելի լայն կոնտեքստի հետ: Ռուսաստանը քաղաքականություն է վարում Թուրքիայի, Իրանի, այլ երկրների հետ: Ընդհանուրի մեջ է դա:

– Քաղաքագետ Ալեքսանդր Իսկանդարյանը կարծիք հայտնեց, որ Ադրբեջանը ակնհայտորեն ինչ-որ պայմանավորվածություններ է խախտել Ռուսաստանի հետ, և Լավրովը այս հայտարարությամբ ցուցադրում է իր դժգոհությունը: Ի՞նչ պայմանավորվածությունների մասին է խոսքը:

Մենք կարող ենք ընդամենը ենթադրել՝ ինչու Ռուսաստանը գնաց նման քայլի: Դրա համար եմ ասում՝ դա իրենց քաղաքականության բաղկացուցիչ մաս կազմող հայտարարություն է՝ զուտ ռուսական քաղաքականության համատեքստում: Թե որոնք են դրա պատճառները, կարելի է միայն ենթադրել:

– Ինչո՞ւ է Ադրբեջանը այսօր սրում իրավիճակը առաջնագծում:

Պրոբլեմներ է ստեղծում Հայաստանի համար: Ադրբեջանը անընդհատ փորձում է ասել, որ ինքը երբևէ որևէ մեկի տեսակետը չի ընդունի: Դա է լինելու իր պատասխանը: Դա իր ռազմական դիվանագիտությունն է: Դա ազդելու ինչ-որ ձև է Ադրբեջանի համար:

– Դա նույն ռազմական դիվանագիտությունն է, որ կար մինչև ապրիլյան պատերա՞զմը:

– Իհարկե, նույնն է: Իրավիճակի վրա ազդելու Ադրբեջանի միակ ձևը դա է:

– Ներկայիս իրավիճակը կարո՞ղ է հանգեցնել հակամարտության լուրջ սրման:

– Եթե փորձենք հասկանալ Ապրիլյան պատերազմի ընդհանուր տրամաբանությունը, ապա դա կապված էր շատ գործոններից: Ամեն մի քայլ շփման գծում ունի քաղաքական նպատակ, դրանք հստակ ռազմաքաղաքական ակցիաներ են՝ քաղաքական նպատակներով: Եթե մենք խոսում ենք՝ կարող է, չի կարող, ապա պիտի տեսնենք, թե ի՞նչ խնդիր կարող է դնել Ադրբեջանը, որ սրացման միջոցով լուծի այդ հարցը: Նման խնդիր դեռ չի երևում: Բացի այդ, Ադրբեջանը չի կարողանում մարսել Ապրիլյան պատերազմի քաղաքական հետևանքները և բնական է՝ փորձում է ամեն կերպ դուրս գալ դրա տակից: Քանի որ քաղաքական-դիվանագիտական իրավիճակը որոշ չափով փոխվել է, ավելի բարդ է Ադրբեջանի համար, և նրանք հիմա փորձում են տարբեր ձևեր գտնել և փոխել այդ իրավիճակը: Եվ այդ հարցը Լավրովին նույն նպատակն ուներ՝ փորձել ամեն կերպ ներկայացնել հարցը այնպես, ինչպես իրենք են պատկերացնում, որը ավելի բարդացրեց Ադրբեջանի վիճակը: Փաստորեն ստիպեց համանախագահող պետության արտգործնախարարին շատ ավելի կտրուկ, կոշտ դիրքորոշում ցուցաբերել Ադրբեջանի նկատմամբ:

– Եվ թերևս կասկած չկա, որ լրագրողը Բաքվի թելադրանքով էր այդ հարցը տալիս Լավրովին:

– Դա էական չէ, էականը փաստն է, որ հնչեցվում է հարց, որը նպատակ ունի և որը ստեղծում է վիճակ, որը գուցե այնքան էլ հաջող չէ հարց տվողի կամ Ադրբեջանի համար:

Բաժիններ
Ուղիղ
Լրահոս
Որոնում