Ռուսական Interfax լրատվական գործակալության փոխանցմամբ՝ Պենտագոնում մեկնաբանել են Ռուսաստանի պաշտպանության նախարարության այն հայտարարությունը, որ ռուսական ինքնաթիռները միջազգային դաշինքի հետ համատեղ Սիրիայի Էլ-Բաբ բնակավայրի շրջանում հարվածել են ԴԱԻՇ-ի զինյալներին։
Պենտագոնի ներկայացուցիչ Ադրիան Ռենքին Հելոուեյը հայտարարել է, որ ԱՄՆ պաշտպանության նախարարությունը ռուս զինվորականների հետ չի համակարգում Սիրիայում հարվածներ հասցնելը։
Նա ընդգծել է, որ Պենտագոնը ռուս զինվորականների հետ պահպանում է շփման խողովակ, որի նպատակը թռիչքների անվտանգության ապահովումն է ու Սիրիայում գործողություններ իրականացնելիս կոնֆլիկտային իրավիճակների կանխումը։