Tuesday, 19 03 2024
Զախարովան մեկնաբանել է պատերազմի մասին Փաշինյանի խոսքերը
12:13
МИР քարտերի սպասարկման դադարեցում․ IDBank
12:09
Հայէկոնոմբանկի Visa Business քարտերն այժմ ավելի շահավետ պայմաններով
Երիտասարդ կինն ու տղամարդը կասկածվում են «Մեթամֆետամինի» ապօրինի շրջանառություն իրականացնելու մեջ․ նրանք կալանավորվել են
Ստոլտենբեգից հետո, Ստոլտենբերգից առաջ
Վարդենիս համայնքի սոցիալապես անապահով բնակիչներին ցուցաբերվել է առողջապահական աջակցություն
Մարզերում ևս շրջիկ առևտուրը կկանոնակարգվի
Ստոլտենբերգը ժամանեց Երևան
Բելգորոդի մարզում գնդակոծության զոհերի թիվն ավելացել է
11:30
Նավթի գներն աճել են. 18-03-24
Սիրիան հետ է մղել իսրայելական օդային հարձակումը Դամասկոսի վրա. SANA
«Мир» վճարային համակարգի քարտերը չեն աշխատի Հայաստանում. РБК
ՃՏՊ Սիսիան-Գորիս ավտոճանապարհին. կան զոհեր և տուժած
10:30
«Ադրբեջանի շահերից է բխում թույլ չտալ Պուտինի հաղթանակը»․ Ստոլտենբերգ
10:22
Միքայել Վարդանյանը Մասիսին նվիրել է 117 մլն դրամ արժողությամբ աղբահավաք մեքենաներ և 230 աղբաման
Բելգիայի Սենատում քննարկում կանցկացվի Հարավային Կովկասում իրավիճակի վերաբերյալ
ԵՄ արտգործնախարարները վերահաստատել են իրենց աջակցությունը Հայաստանին. Ստանո
ՊԵԿ-ը փետրվարին 150 հարկ վճարողի մոտ արձանագրել է ՀԴՄ կիրառման կանոնների խախտում
Ուղիղ. Ազգային ժողովի հերթական նիստը
Լուրերի առավոտյան թողարկում 10։00
Դիլիջանի ոլորանները փակ են բեռնատարների համար
4 պատճառ, թե ինչու չարձագանքել Պուտինի վերընտրությանը
Սպասվում են ինտենսիվ տեղումներ
Եթե նախկինում հնարավոր էր ընտրություն կատարել, այսօր չկա այլընտրանք, քան Եվրոպան
Արսենյանը չի ճանաչում իր գրասենյակի մոտ պայթուցիկ տեղադրելու գործով կալանավորվածներին․ մանրամասներ. «Ժողովուրդ»
Հանրահավաքը կպառակտի՞, թե՞ կմիավորի. «Հրապարակ»
Ռուսները նախազգուշացնում են՝ գենոցիդ ենք անելու
Ինչ է քննարկվել ՔՊ խմբակցության փակ նիստում. «Հրապարակ»
«Ներքին գործերի նախարարությունը 89 հատ թանկարժեք ժամացույց է գնել. «Հրապարակ»
08:30
Live. «Առաջին լրատվական» տեղեկատվական-վերլուծական կենտրոն

Երևանյան փաբում երիտասարդը սիրած աղջկա ստացած sms-ները կարդալուց հետո դաժան ծեծի է ենթարկել նրան

Կենտրոն և Նորք-Մարաշ վարչական շրջանների ընդհանուր իրավասության դատարանում Արշակ Վարդանյանի նախագահությամբ ավարտվել է Նարեկ Ղ.-ի գործի դատական քննությունը:

23-ամյա Նարեկին մեղադրանք էր առաջադրված տուժողի առողջությանը կարճատև քայքայումով թեթև վնաս պատճառելու համար՝ ՀՀ քրեական օրենսգրքի 117 հոդվածով:

Դատարանը ապացուցված է համարել, որ 2016 թվականի մայիսի 30-ին, գիշերվա ժամը 1-ն անց 30-ի սահմաններում Երևանի Մաշտոցի պողոտայում գործող «Բեյքեր սթրիթ 221b» փաբ-ակումբում անձնական հարցերով վիճել է սիրուհու՝ Մելինե Ս.-ի հետ (անունը փոխված է), ձեռքերով ու ոտքերով հարվածներ է հասցրել նրա մարմնի տարբեր մասերին՝ նրա առողջությանը պատճառելով թեթև վնաս՝ քերծվածքների, արյունազեղումների ու գանգուղեղային տրավմայի ձևով:

Նարեկ Ղ.-ն դատարանում իրեն մեղավոր չի ճանաչել: Նա ընդունել է, որ տուժողին երկու անգամ ապտակել է, բայց այդ երկու ապտակից նա չէր ստանա մարմնական այն վնասվածքները, որոնք արձանագրված են դատաբժշկական փորձաքննության եզրակացության մեջ:

Նարեկ Ղ.-ն հայտնել է, որ դեպքի պահին ինքը գտնվել է «Բեյքեր սթրիթ 221b» փաբ-ակումբում: Գիշերվա ժամը 1-ն անց 30-ին ակումբ է այցելել Մելինեն: Ինքը նրա ձեռքին վնասվածք է նկատել: Մելինեն իր հարցին սուտ պատասխան է տվել՝ ասելով, թե ընկել է: Հետո խոստովանել է, որ աշխատավայրում տնօրենի հետ վիճել ու զայրացած՝ ձեռքով խփել է պատին, ձեռքը վնասվել է: Նա խնդրել է, որ ինքը այդ միջադեպով իր աշխատավայրում չհետաքրքրվի:

Ինքն ուշադրություն է դարձրել, որ թեև տաք եղանակ էր, բայց  Մելինեն «փակ էր հագնված»:

Երբ իրենք խոսում էին, Մելինեին մի անծանոթ տղայից հաղորդագրություն է եկել: Ինքը հասկացել է, որ Մելինեն իրեն դավաճանում է: Կարդացել է նրա հեռախոսում եղած հաղորդագրությունները ու իր համար պարզ է դարձել, որ Մելինեն տարբեր տղաների հետ է շփվում:

Այդ հանգամանքից զայրացած՝  ապտակել է Մելինեին:

Այնուհետև փաբի հաճախորդներին ասել է, որ փաբը փակվում է: Երբ հաճախորդները գնացել են, ինքը զրուցել է Մելինեի հետ, վերջինս արդարացել է, որ հաղորդագրությունները կատակով են գրված, բայց ինքը համոզվել է, որ նա իրենց շփման ընթացքում «բազմիցս դավաճանել է իրեն այլ տղաների հետ»: Մի անգամ էլ է ապտակել Մելինեին:

Որոշել է նրանից հեռանալ, ճանապարհել տաքսիով՝ այլևս նրան չհանդիպելու ակնկալիքով:

Հաջորդ օրը Մելինեն զանգել է իրեն, ասել է. «Դու քո հալը կտեսնես»: Հետո իր նկատմամբ քրեական գործ է հարուցվել:

Նարեկը, պատասխանելով տուժողի հարցերին, ասել է, թե դեպքի ժամանակ նա «փակ էր հագնվել», ինչից կարելի է եզրակացնել, որ փաբ էր եկել արդեն վնասվածքներով, բայց քանի որ փաբում լուսավորությունը լավ չէր, վնասվածքները չէին երևում:

Նախագահող դատավորի հարցերին պատասխանելով՝ ամբաստանյալն ասել է, թե տուժողին ապտակել է խանդի պատճառով, քանի որ իրենք «մտերիմ էին՝ համարյա ամուսիններ»: Ինքը ապտակել է Մելինեի դեմքին, դրանից նրա դեմքը միայն կարող էր կարմրել: Իր հարվածից հետո արյուն չի եկել: Եվ ինքը չի հասկանում տուժողի կողմից իրեն զրպարտելու իմաստը, թեև իրականում «նա ամեն բանի ունակ է»:

Տուժող Մելինեն հայտնել է, որ բողոքում է ամբաստանյալի դեմ, խնդրում է նրան ենթարկել քրեական պատասխանատվության:

Ըստ տուժողի՝ ինքը Նարեկի հետ ընկերություն է արել երեք ամիս ու որոշել է խզել իրենց հարաբերությունները:

Դեպքի գիշերը Նարեկը զանգել ու ասել է, թե զրուցելու բան ունի: Ինքը ժամը 1-ն անց 30-ի սահմաններում գնացել է «Բեյքեր սթրիթ 221b» փաբ-ակումբ:

Նարեկը բողոքել է, որ իրենք հաճախ չեն հանդիպում, որ ինքը «սառել է» նրա հանդեպ: Ինքը նրան հայտնել է բաժանվելու՝ իր մտադրության մասին:

Նարեկը զայրացել է, մի անգամ հարվածել է իր դեմքի, քթի հատվածին: Ինքը վայր է ընկել:

Ընկած վիճակում Նարեկը ոտքերով ու ձեռքերով իրեն բազմաթիվ հարվածներ է հասցրել: Մի կերպ ինքը կանգնել ու գնացել է փաբի զուգարան՝ լվացվելու:

Այնուհետև ինքն ու Նարեկը նորից զրուցել են: Նարեկը վերցրել է իր բջջային հեռախոսը, կարդացել է իր ստացած հաղորդագրությունները, դրանից էլ է բարկացել ու նորից բազմաթիվ հարվածներ է հասցրել իր գլխին:

Պատասխանելով հարցերին՝ Մելինեն ասել է, որ երբ ինքն ու Նարեկը մենակ են մնացել փաբում, Նարեկը փակել է դուռը ու թույլ չի տվել, որ ինքը դուրս գա: Նա շարունակել է հարվածել իրեն, անգամ ոտքով խփել է իր դեմքին, նույնիսկ փորձել է բռնաբարել, բայց ինքը դրա ապացույցները չունի: Ինքն էլ բռունցքով խփել է նրան, որից հետո Նարեկն ավելի ուժեղ է հարվածել իր գլխին, ինքը ստացել է կապտուկներ ականջախեցու շրջանում և ուշաթափվել է: Նարեկը միայն դրանից հետո է հանդարտվել ու սպառնացել է իր մասին արատավորող տեղեկություններ տարածել, եթե ինքը բանկից գումար չստանա նրա համար: Նարեկի այդ օրվա պահվածքն իր համար զարմանալի էր, նա սովորաբար հանգիստ է եղել:

Մելինեն նշել է, որ շատ ընկերներ ունի, նրանցից ստացած հաղորդագորություններում ինտիմ բովանդակությամբ նամակներ չեն եղել, դրանք միայն կատակներ էին: Ինքն ու ընկերները միմյանց դիմում են «կյանք, արև» բառերով:

Նարեկը զայրացել է նրա հետ կապերը խզելու՝ իր մտադրության մասին իմանալով, քանի որ այլևս նյութապես իրենից շահ չէր ունենալու, նա միշտ իրենից գումարներ էր վերցնում: Ինքը ցանկացել է նրա հետ հարաբերությունները խզել, քանի որ նա իրենով չէր հետաքրքրվում:

Տուժողը պնդել է, որ Նարեկի հարվածներից ուշաթափվել է, Նարեկը ջուր է լցրել իր գլխին ու դեմքին, ասել է, թե «կմորթի», հետո էլի հարվածներ է հասցրել…

Մելինե Ս.-ն պնդել է իր բողոքը ամբաստանյալի դեմ ու ցանկություն է հայտնել, որ վերջինս հնարավորինս խիստ պատժի ենթարկվի:

Ընդհանուր իրավասության դատարանը Նարեկ Ղ.-ին մեղավոր է ճանաչել ՀՀ քրեական օրենսգրքի 117 հոդվածով ու դատապարտել է կալանքի՝ 1 ամիս ժամկետով:

Պատժի կրման սկիզբը կհաշվվի Նարեկին փաստացի կալանքի տակ առնելու պահից:

 

Բաժիններ
Ուղիղ
Լրահոս
Որոնում