Թուրքական Anadolu լրատվական գործակալության փոխանցմամբ՝ Թուրքիայի փոխվարչապետ ու կառավարության խոսնակ Նուման Քուրթուլմուշը հայտարարել է, որ Դոնալդ Թրամփը, գտնվելով Սպիտակ տան ղեկավարի պաշտոնում, ենթադրաբար կձգտի ուղղումներ անել Վաշինգտոնի մերձավորարևելյան քաղաքականությունում, ինչը կվերաբերի նաև աշխարհի մյուս երկրների հանդեպ նրա դիրքորոշմանը.
«Կցանկանայինք հուսալ, որ նոր վարչակարգը շեշտադրում կանի Մերձավոր Արևելքի խաղաղության վրա և հանդես կգա նախաձեռնություններով, որոնք հնարավորություն կտան ձեռնարկել կարևոր քայլեր տվյալ ուղղությամբ։
Անկարան հուսով է, որ Թրամփը չի կրկնի Թուրքիայի հանդեպ ԱՄՆ նախկին վարչակարգի գործած սխալները։ Թուրքիան Թրամփի վարչակարգին կոչ է անում վերանայել իր հայացքները իր երկու հարցի հանդեպ, որոնք կարևոր են թուրք-ամերիկյան հարաբերությունների համար։
Դրանցից առաջինը վերաբերում է Ֆեթհուլլահ Գյուլենին՝ ահաբեկչական հոսանք ղեկավարին, որի կողմնակիցները 2016 թվականի հուլիսի 15-ին ռազմական հեղաշրջման փորձ են ձեռնարկել Թուրքիայում։
Երկրորդ խնդիրն այն է, որ Վաշինգտոնը պետք է դադարեցնի Սիրիայի քրդերին իր աջակցությունը։ Անկարան Գյուլենի արտահանձնման հարցը բարձրացնելու է նաև Թրամփի վարչակարգի առջև։
Մեր դիրքորոշումը կապված է ոչ թե ԱՄՆ դատական ատյանի վրա ճնծում գործադրելու ցանկության հետ, այլ թելադրված է այդ հարցի շուրջ Թրամփի հստակ դիրքորոշմանւ հասնելուն։
ԱՄՆ նոր իշխանությունները պետք է ընտրություն կատարեն. կամ ահաբեկչական հոսանքի ղեկավարը, որը ղեկավարում է մի քանի ավազակի, կամ էլ Թուրքիան՝ իր 80 միլիոնանոց բնակչությամբ»։